കൊച്ചി : കസ്റ്റംസില് അഴിച്ചുപണി , സ്വര്ണക്കള്ളക്കടത്ത് അന്വേഷിക്കുന്ന ഉദ്യോഗസ്ഥരെ സ്ഥലംമാറ്റി. കേസന്വേഷിക്കുന്ന പ്രിവന്റിവ് വിഭാഗത്തിലെ എട്ട് ഉദ്യോഗസ്ഥരെയാണ് സ്ഥലം മാറ്റിയത്. ആറ് സൂപ്രണ്ടുമാരെയും രണ്ട് ഇന്സ്പെക്ടര്മാരെയുമാണ് കസ്റ്റംസിലേക്ക് തിരിച്ചു വിളിച്ചത്.
ഡെപ്യൂട്ടേഷന് കാലാവധി കഴിഞ്ഞ പശ്ചാത്തലത്തിലാണ് ഉത്തരവെന്നാണ് വിശദീകരണം. പ്രിവന്റിവ് വിഭാഗം അതൃപ്തി അറിയിച്ചതായി സൂചന. സ്ഥലം മാറ്റപ്പെട്ടവര്ക്ക് പകരമായി എട്ട് ഉദ്യാഗസ്ഥരെത്തന്നെ പ്രിവന്റിവിലേക്ക് നിയമിച്ചിട്ടുണ്ട്. അതേസമയം തിരുവനന്തപുരം വിമാനത്താവള സ്വര്ണക്കടത്തുകേസില് എന്ഐഎ കസ്റ്റഡിയിലുളള സ്വപ്ന സുരേഷ് അടക്കമുളള മൂന്ന് പ്രതികളെ കസ്റ്റംസ് ഇന്ന് ചോദ്യം ചെയ്യും. ഇതിനുളള അനുമതി ഇന്നലെ ലഭിച്ചിരുന്നു.
