കൊടുമണ്‍ : അട്ടച്ചാക്കൽ ഗോൾഡൻ ബോയ്സ് ചരിറ്റബിൾ സംഘത്തിന്റെ 22 മത് വാർഷിക പൊതുയോഗം കൊടുമൺ മഹാത്മാ ജനസേവന കേന്ദ്രത്തിൽവെച്ച് ബ്ലോക്ക്‌ പഞ്ചായത്ത്‌ അംഗം പ്രവീൺ പ്ലാവിളയിൽ ഉദ്ഘാടനം ചെയ്തു. ജീവകാരുണ്യ പ്രവര്‍ത്തനങ്ങള്‍ വിലയിരുത്തി ചെങ്ങറ പ്രവാസി അസോസിയേഷനും സാമൂഹിക രംഗത്തെ പ്രവര്‍ത്തന മികവിന് ബിജു കുമ്പഴക്കും ആതുരസേവനരംഗത്തെ മികച്ച പ്രവര്‍ത്തനത്തിന് രാജേഷ് പേരങ്ങാട്ടിനും ആദരവ് നല്‍കി.
പ്രസിഡന്റ്‌ റോബിൻ കാരാവള്ളില്‍ അധ്യക്ഷത വഹിച്ചു. സെക്രട്ടറി ബിനു കെ.എസ്, രഞ്ജു ചെങ്ങറ, ബിജു കുമ്പഴ, രാജേഷ് തിരുവല്ല, സി.വി ചന്ദ്രൻ എന്നിവർ പ്രസംഗിച്ചു. കനൽ ബാന്റിലെ കലാകാരൻ ആദർശ് ചിറ്റാറും സംഘവും അവതരിപ്പിച്ച നാടൻപാട്ടും ഉണ്ടായിരുന്നു. 22 വർഷങ്ങൾക്ക് മുൻപ് കലാ സംഘടനയായി തുടക്കമിട്ട ഗോൾഡൻ ബോയ്സ് പിന്നീട് സൗഹൃദകൂട്ടായ്മ്മ ആയി മാറുകയായിരുന്നു. നിലവിൽ ചാരിറ്റബിൾ സംഘമായാണ് പ്രവർത്തിക്കുന്നത്.
