ആലപ്പുഴ : ആലപ്പുഴയില് ഗുണ്ടനേതാവിന് വെട്ടേറ്റു. നിരവധി ക്രിമിനല് കേസുകളില് പ്രതിയായ ആലപ്പുഴ കുന്നുംപുറം റോസ് മഹലില് സാബിനെ (41) യാണ് കുടുംബ വീട്ടില് വെച്ച് സഹോദരനും സുഹൃത്തും ചേര്ന്ന് വെട്ടിവീഴ്ത്തിയത്. ഇന്നലെ ഉച്ചക്ക് 1.30 ഓടെ വട്ടയാലുള്ള കുടുംബ വീട്ടില് വെച്ചായിരുന്നു അക്രമണം. ഗുരുതരമായ പരുക്കുകളോടെ ഇയാളെ എറണാകുത്തെ സ്വകാര്യ ആശുപത്രിയില് പ്രവേശിപ്പിച്ചു. സ്വത്തുതര്ക്കത്തില് സഹോദരനും സൃഹുത്തുക്കളും ചേര്ന്ന് വെട്ടുകയായിരുന്നു എന്ന് പോലീസ് പറഞ്ഞു.
തലയ്ക്കും കാലിനും ഗുരുതരമായ വെട്ടേറ്റ സാബിറിനെ ആദ്യം ആലപ്പുഴ ജനറല് ആശുപത്രിയിലാണ് പ്രവേശിപ്പിച്ചത്. പിന്നീട് ആലപ്പുഴ മെഡിക്കല് കോളജ് ആശുപത്രിയിലും പരുക്ക് ഗുരുതരമായതിനാല് പിന്നീട് എറണാകുളത്തേക്ക് മാറ്റുകയിരുന്നു. സൗത്ത് പോലീസ് കേസ് എടുത്ത് അന്വേഷണം ആരംഭിച്ചു. കഴിഞ്ഞ 18ന് അര്ധരാത്രിയില് എസ്.ഡി.പി.ഐ സംസ്ഥാന സെക്രട്ടറി കെ.എസ് ഷാനെയും 19ന് പുലര്ച്ചേ 6.30ന് ആലപ്പുഴ നഗരത്തില് ബി.ജെ.പിയുടെ ഒ.ബി.സി മോര്ച്ച സംസ്ഥാന സെക്രട്ടറി അഡ്വ.രണ്ജിത്ത് ശ്രീനിവാസന് (44) നെയും വെട്ടിക്കൊന്നിരുന്നു.
