റാന്നി : മൂഴിയാർ സർക്കാർ യു.പി. സ്കൂളിൽ പ്രവേശനോത്സവത്തോനുബന്ധിച്ച് ഗുഡ് സാമരിറ്റൻ ചാരിറ്റബിൾ ആന്റ് റിലീഫ് സൊസൈറ്റിയുടെ നേതൃത്വത്തിൽ നടത്തിയ പഠനോപകരണ വിതരണം സൊസൈറ്റി ചെയർമാൻ ഫാ.ബെൻസി മാത്യു കിഴക്കേതിൽ ഉദ്ഘാടനം ചെയ്തു. മൂഴിയാർ സായിപ്പൻകുഴി ഗിരിവർഗ്ഗ കോളനി, ശബരിഗിരി പദ്ധതിയിലെ തൊഴിലാളികളുടെ മക്കൾ എന്നിവർ പഠിക്കുന്ന സ്കൂളാണിത്. സ്കൂൾ പി.ടി.എ. പ്രസിഡന്റ് സതി അനീഷ് അധ്യക്ഷത വഹിച്ചു.
കെ.എസ്.ഇ.ബി അസിസ്റ്റന്റ് എക്സിക്യൂട്ടീവ് എഞ്ചിനീയർ മൃണാൾ എം.എ. മുഖ്യ പ്രഭാഷണം നടത്തി. അസിസ്റ്റന്റ് എഞ്ചിനീയർ സുദീപ് കുമാർ, ബിനു കെ.സാം, പ്രധാനാദ്ധ്യാപകൻ പ്രേം എസ്, സുനിൽ സണ്ണി, ബേബി ജോൺ മണിമലേത്ത്, ബിന്നി ജോൺ തലക്കോട്ട്, രാജേശ്വരി, അശ്വിൻ രാജു, പ്രവീൺ ജോസ് എന്നിവര് പ്രസംഗിച്ചു.
