ന്യൂഡൽഹി : സിബി എസ്ഇ പോർട്ടലിൽ നേരിട്ട സാങ്കേതിക തകരാർ പരിഹരിച്ചതായി അധികൃതർ അറിയിച്ചു. പുനര്മൂല്യനിര്ണയത്തിനായി അപേക്ഷകൾ നല്കാനുള്ള ഓൺലൈൻ പോർട്ടൽ വീണ്ടും പ്രവർത്തനം ആരംഭിച്ചിട്ടുണ്ട്. ഇന്നലെ രാവിലെ മുതൽ അർദ്ധരാത്രിവരെ വെബ്സൈറ്റ് പ്രവർത്തനത്തിൽ തടസ്സം നേരിട്ടിരുന്നു. പുതിയ ഷെഡ്യൂൾ പ്രകാരം ഈ മാസം ആറുവരെ വിദ്യാർത്ഥികൾക്ക് അപേക്ഷ സമർപ്പിക്കാൻ അവസരമുണ്ട്. 12-ാം ക്ലാസ് ഫലപ്രഖ്യാപനവുമായി ബന്ധപ്പെട്ട് ഉണ്ടായ പിഴവുകൾ സിബിഎസ്ഇ നേരത്തെ തന്നെ അംഗീകരിച്ചിരുന്നു. ഉത്തരക്കടലാസുകൾ ഡിജിറ്റൽ രൂപത്തിലാക്കി മൂല്യനിർണയം നടത്തിയ ‘ഓൺ-സ്ക്രീൻ മാർക്കിങ്’(OSM) സംവിധാനത്തിലാണ് പാളിച്ച സംഭവിച്ചതെന്നാണ് വിശദീകരണം. സംഭവത്തെ തുടർന്ന് കേന്ദ്ര വിദ്യാഭ്യാസ മന്ത്രാലയം ആഭ്യന്തര അന്വേഷണം ആരംഭിച്ചതായും റിപ്പോർട്ടുകളുണ്ട്. മൂല്യനിർണയ സംവിധാനത്തിലെ സാങ്കേതിക വീഴ്ചകൾ വിദ്യാർത്ഥികളുടെ ഫലത്തെ ബാധിച്ചോ എന്ന കാര്യത്തിലാണ് പ്രധാനമായും പരിശോധന നടക്കുന്നത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
