കുടുംബശ്രീ നിയമനം
ജില്ലയില് ഇന്റഗ്രേറ്റഡ് ഫാമിംഗ് ക്ലസ്റ്റര് ലെവല് തസ്തികകളില് കുടുംബശ്രീ നിയമനം നടത്തുന്നു. പ്രായം 40 കവിയാത്ത കുടുംബശ്രീ/ ഓക്സിലറി/ കുടുംബാംഗങ്ങളായ സ്ത്രീള്ക്ക് അപേക്ഷിക്കാം. മൂന്ന് വര്ഷമാണ് കാലാവധി. ഈ കാലയളവില് അപ്രൈസല് നടത്തി തുടര് നിയമനം നല്കും. ഇരവിപേരൂര്, കടപ്ര, സീതത്തോട് ക്ലസ്റ്ററുകളിലാണ് നിയമനം. 1) ഐ.എ.ഫ്സി ആങ്കര് – പ്ലസ്ടു /വി എച്ച് എസ് ഇ അഗ്രികള്ച്ചര്/ ബിരുദനം പാസാകണം. എക്സ്റ്റന്ഷന് ആന്റ് മാര്ക്കറ്റിംഗ് പ്രവര്ത്തിപരിചയം ഉള്ളവര്ക്ക് മുന്ഗണന. ഓണറേറിയം മാസം 8750 രൂപ. 2) സീനിയര് സിആര്പി – ബിരുദം യോഗ്യതയുള്ളവര്ക്ക് മുന്ഗണന. കൃഷി സഖി/പശുസഖി/അഗ്രി സി.ആര്.പി എന്ന നിലയില് രണ്ട് വര്ഷത്തെ പ്രവര്ത്തിപരിചയം. ഓണറേറിയം മാസം 10,000 രൂപ. അപേക്ഷകര് അതാത് ബ്ലോക്കില് താമസിക്കുന്നവരാകണം. അപേക്ഷ, വിദ്യാഭ്യാസ/ അനുഭവ പരിചയം, കുടുംബശ്രീ അംഗത്വം, ഐഡന്റിറ്റി എന്നിവ തെളിയിക്കുന്ന രേഖകളുടെ പകര്പ്പ് സഹിതം കുടുംബശ്രീ ജില്ല മിഷന് ഓഫീസില് സമര്പ്പിക്കണം. അവസാന തീയതി ജൂണ് 12. കുടുംബശ്രീ ജില്ല മിഷന് ഓഫീസ്, കളക്ടറേറ്റ് മൂന്നാം നില, പത്തനംതിട്ട. ഫോണ് 6235000825.
താല്ക്കാലിക നിയമനം
പന്തളം തെക്കേക്കര ഗ്രാമപഞ്ചായത്തിലെ പാറക്കര പകല് വീട്ടിലേക്ക് താല്ക്കാലികമായി ആയയെ നിയമിക്കുന്നതിന് അപേക്ഷ ക്ഷണിച്ചു. പ്രായപരിധി 18-45. യോഗ്യത എസ്.എസ്.എല്.സി. പ്രവര്ത്തി പരിചയമുള്ളവര്ക്കും പ്രദേശത്ത് സ്ഥിരതാമസക്കാര്ക്കും മുന്ഗണന. അപേക്ഷ ജൂണ് ഒമ്പത് ഉച്ചയ്ക്ക് മൂന്നിന് മുമ്പ് ഗ്രാമപഞ്ചായത്ത് കാര്യാലയത്തില് സമര്പ്പിക്കണം. ഫോണ് 04734 228498
—
നിയമനം
മെഴുവേലി ഗ്രാമപഞ്ചായത്ത് ഏഴാം വാര്ഡില് ആശാപ്രവര്ത്തകയ്ക്കുള്ള അഭിമുഖം ജൂണ് 10 രാവിലെ 10.30 ന് മെഴുവേലി കുടുംബാരോഗ്യ കേന്ദ്രത്തില് നടത്തും. പ്രായപരിധി 25 -45. എസ്.എസ്.എല്.സി യോഗ്യതയുള്ള വാര്ഡില് സ്ഥിരതാമസക്കാരായ വിവാഹിതരായ വനിതകള്ക്ക് അപേക്ഷിക്കാം. ഫോണ് 0468 2967176
ലേലം
കേച്ചേരില് എന്റര്പ്രൈസസ് സ്ഥാപനത്തിന്റെയും ഉടമയുടെയും പേരിലുള്ള പുരയിടവും ബഹുനില കെട്ടിടവും ഉള്പ്പെടെയുള്ള സ്വത്തുക്കള് ജൂലൈ രണ്ട് രാവില 11.30 ന് ഏനാത്ത് വില്ലേജ് ഓഫീസില് ലേലം ചെയ്യും. ഫോണ് 04734 224826
—
അപകടഭീഷണി ഉയര്ത്തുന്ന മരങ്ങള് മുറിക്കണം
കാലവര്ഷം ശക്തമാകുന്ന സാഹചര്യത്തില് ചെന്നീര്ക്കര ഗ്രാമപഞ്ചായത്തിലെ സ്വകാര്യ വ്യക്തികളുടെയോ സ്ഥാപനങ്ങളുടേയോ ഉടമസ്ഥതയിലുള്ള പൊതുജനങ്ങളുടെ ജീവനും സ്വത്തിനും ഭീഷണിയായ മരങ്ങളും ശിഖരങ്ങളും ഫലങ്ങളും അടിയന്തിരമായി മുറിച്ചു മാറ്റണം. അപകടകരമായി നില്ക്കുന്ന മരങ്ങള് മൂലം ദുരന്തം ഉണ്ടായാല് സ്ഥല ഉടമകള്ക്കെതിരെ നിയമനടപടി സ്വീകരിക്കുമെന്ന് പഞ്ചായത്ത് സെക്രട്ടറി അറിയിച്ചു.
