ഹോസ്പിറ്റല് അഡ്മിനിസ്ട്രേഷന്
കേരള സ്റ്റേറ്റ് റൂട്രോണിക്സ് സര്ട്ടിഫിക്കറ്റോട് കൂടി തിരുവനന്തപുരം, ആറ്റിങ്ങല് അംഗീകൃത പഠനകേന്ദ്രങ്ങളില് ഒരുവര്ഷം ദൈര്ഘ്യമുള്ള പ്രൊഫഷണല് ഡിപ്ലോമ ഇന് ഹോസ്പിറ്റല് അഡ്മിനിസ്ട്രേഷന് കോഴ്സിലേക്ക് ഇന്റേണ്ഷിപ്പോടെ റഗുലര്, പാര്ട്ട് ടൈം ബാച്ചുകളിലേക്ക് പ്ലസ്ടു കഴിഞ്ഞവരില് നിന്ന് അപേക്ഷ ക്ഷണിച്ചു. ഫോണ് : 7994926081
—
യുവജന കമ്മീഷന് യൂത്ത് ഐക്കണ് അവാര്ഡ്
സംസ്ഥാന യുവജന കമ്മീഷന് യൂത്ത് ഐക്കണ് അവാര്ഡിന് അപേക്ഷ ക്ഷണിച്ചു. യുവജനങ്ങള്ക്കിടയില് നിര്ണായക സ്വാധീനം ചെലുത്തിയിട്ടുള്ളതും കല/സാംസ്കാരികം, സാഹിത്യം, കായികം, കൃഷി/മൃഗസംരക്ഷണം, വ്യവസായം/സാങ്കേതികവിദ്യ, മാധ്യമം തുടങ്ങിയ മേഖലകളില് ഉന്നത നേട്ടം കൈവരിച്ച യുവജനങ്ങളെ അവാര്ഡിന് പരിഗണിക്കും. അവാര്ഡിനായി നാമനിര്ദേശം നല്കാവുന്നതോ സ്വമേധയാ അപേക്ഷ സമര്പ്പിക്കാവുന്നതോ ആണ്. പൊതുജനങ്ങളില് നിന്നും കിട്ടുന്ന നിര്ദേശം പരിഗണിച്ച് വിദഗ്ധ ജൂറിയുടെ തീരുമാനത്തിനു വിധേയമായി ആറ് പേര്ക്കാണ് അവാര്ഡ്. യൂത്ത് ഐക്കണായി തിരഞ്ഞെടുക്കപ്പെടുന്നവര്ക്ക് 20,000 രൂപയുടെ സമ്മാനതുകയും ശില്പ്പവും നല്കും. നിര്ദേശം [email protected] ല് അറിയിക്കണം. കമ്മീഷന്റെ വികാസ് ഭവനിലുള്ള ഓഫീസില് നേരിട്ടും നല്കാം. അവസാന തീയതി ഓഗസ്റ്റ് 30. ഫോണ് : 0471-2308630.
