പത്തനംതിട്ട: സംസ്ഥാനത്തെ ഭിന്നശേഷിക്കാര്ക്കുള്ള പല ആനുകൂല്യങ്ങളും സര്ക്കാര് നിര്ത്തലാക്കിക്കൊണ്ടിരിക്കുകയാണെന്നും നിലവില് ലഭിച്ചുകൊണ്ടിരിക്കുന്ന ക്ഷേമപെന്ഷന് പോലും മാസങ്ങളായി കുടിശ്ശികയാണെന്നും ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ലോക ഭിന്നശേഷി ദിനത്തോടനുബന്ധിച്ച് ഡി.എപിസി പത്തനംതിട്ട ജില്ലാ കമ്മിറ്റിയുടെ നേതൃത്വത്തില് സംഘടിപ്പിച്ച ഭിന്നശേഷി ദിനം പത്തനംതിട്ട വൈ.എ.ംസി.എ ഹാളില് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. താല്ക്കാലികമായി ജോലി ചെയ്തിട്ടുള്ള ഭിന്നശേഷിക്കാര്ക്ക് ഇതുവരെയായി സ്ഥിര നിയമനം നല്കിയിട്ടില്ലെന്നും ഭിന്നശേഷി നിയമം ഇതുവരെയായി കേരളത്തില് നടപ്പാക്കിയിട്ടില്ലെന്നും പ്രൊഫ. സതീഷ് കൊച്ചുപറമ്പില് പറഞ്ഞു.
ജില്ലാ പ്രസിഡന്റ് അച്ചന്കുഞ്ഞ് അദ്ധ്യക്ഷത വഹിച്ചു. ഡി.സി.സി വൈസ് പ്രസിഡന്റ് അഡ്വ. എ. സുരേഷ് കുമാര് മുഖ്യപ്രഭാഷണം നടത്തി. യു.ഡി.എഫ് ജില്ലാ ചെയര്മാന്എ. ഷംസുദ്ദീന്, ഡി.എ.പി.സി സംസ്ഥാന സമിതി അംഗം മത്തായി തോമസ് മണ്ണടിശ്ശാല, ജില്ലാ ജനറല് സെക്രട്ടറി സജി കലഞ്ഞൂര്, റോസമ്മ വര്ഗീസ് പത്തനംതിട്ട, അജിത്ത് മണ്ണില്, നാസര് തോണ്ടമണ്ണില്, അബ്ദുല്കലാം ആസാദ്, ജോസ് പള്ളിവാതുക്കല്, സാമൂഹിക പ്രവര്ത്തകന് ആലിച്ചന് കോട്ടയം, ജില്ലാ സെക്രട്ടറി രാധാകൃഷ്ണന് അടൂര്, ജയകുമാര് കോഴഞ്ചേരി, ബിനു ഏഴംകുളം, രതീഷ് ബാബു തിരുവല്ല, അമ്മിണി അലിമുക്ക്, അജീഷ് കോന്നി, മിനി പന്തളം എന്നിവര് പ്രസംഗിച്ചു.
