ചെങ്ങന്നൂർ : ശമ്പളപരിഷ്കരണം കാലോചിതമായി നടപ്പിലാക്കാതെയും അശാസ്ത്രീയ കെ -സ്വിഫ്റ്റ് കമ്പനി രൂപീകരിച്ചും കെ.എസ്.ആര്.ടി.സി യെ സര്ക്കാര് തകര്ക്കുന്നുവെന്നാരോപിച്ച് കെ.എസ്.ടി എംപ്ളോയീസ് സംഘ് (ബിഎംഎസ് )ന്റെ നേതൃത്വത്തില് ചെങ്ങന്നൂർ കെ.എസ്.ആര്.ടി.സി ഡിപ്പോയില് പ്രതിഷേധ ധര്ണ നടത്തി. കെ.എസ്.ടി.ഇ.എസ് ആലപ്പുഴ സൗത്ത് ജില്ലാ സെക്രട്ടറി ജി.എം അരുൺകുമാർ ധര്ണ ഉദ്ഘാടനം ചെയ്തു.
ജില്ലാ ഉപാധ്യക്ഷൻ എൻ.ദേവദാസ് മുഖ്യപ്രഭാഷണം നടത്തി. എൻ.മനോജ്കുമാർ യോഗത്തില് അദ്ധ്യക്ഷത വഹിച്ചു. എൻ.ജെ സിജുമോൻ, സി.എസ് സുനുകുമാർ, വിനോദ്കുമാർ, വി.ആർ ജയക്കുട്ടൻ, സജി എസ് നായർ, എം.എസ് ഷിബു എന്നിവര് സംസാരിച്ചു.
