ഇടുക്കി : പന്നിയാറില് അരിക്കൊമ്പന്റെ ആക്രമണത്തിൽ കൊല്ലപ്പെട്ട ഫോറസ്റ്റ് വാച്ചർ ശക്തിവേലിന്റെ മകൾക്ക് സർക്കാർ ജോലി നൽകുമെന്ന് വനം വകുപ്പ് മന്ത്രി എ.കെ. ശശീന്ദ്രൻ. സ്ഥലത്തെ റേഷൻ കട തകർത്ത സാഹചര്യത്തിൽ കളക്ടറുടെ നേതൃത്വത്തിൽ യോഗം ചേർന്ന് ആവശ്യമെങ്കിൽ അവിടുത്തെ കുടുംബങ്ങൾക്ക് റേഷൻ എത്തിച്ചു നൽകുമെന്നും മന്ത്രി ഇടുക്കിയിൽ പറഞ്ഞു. കളക്ടറേറ്റിൽ ചേർന്ന സർവ്വകക്ഷി യോഗത്തിന് ശേഷം സംസാരിക്കുകയായിരുന്നു മന്ത്രി.
വയനാട്ടിലെയും പാലക്കാട്ടെയും ദൗത്യത്തിന് നേതൃത്വം നൽകിയ ഡോ.അരുൺ സക്കറിയയുടെ ടീമിനെ ഇടുക്കിയിലെത്തിച്ച് തുടർ പ്രവർത്തനങ്ങൾക്ക് നേതൃത്വം നൽകുമെന്നും മന്ത്രി എ.കെ.ശശീന്ദ്രൻ പറഞ്ഞു. ശക്തി വേലിന്റെ മൃതദേഹത്തോട് അനാദരവുണ്ടായതായി പരാമർശമുയർന്ന സാഹചര്യത്തിൽ അന്വേഷണം നടത്തും. കൃത്യവിലോപം ബോദ്ധ്യപ്പെട്ടാൽ നടപടിയുണ്ടാകുമെന്നും മന്ത്രി വ്യക്തമാക്കി.
ജനവാസ മേഖലകൾക്ക് സുരക്ഷ ഒരുക്കുവാൻ 21 കിലോ മീറ്റര് ഹാങ്ങിഗ്സോളാർ സിസ്റ്റം സ്ഥാപിക്കും. നിരീക്ഷണം ശക്തമാക്കാൻ പ്രധാന കേന്ദ്രങ്ങളിൽ ഹൈമാസ്റ്റ് ലൈറ്റ് സ്ഥാപിക്കാൻ 3 കോടി രൂപ അനുവദിക്കുമെന്നും മന്ത്രി പറഞ്ഞു. ത്രിതല പഞ്ചായത്തുകളുടെയും എം.എല്.എ ഫണ്ടുകളും ഉപയോഗിച്ച് മറ്റു മേഖലകളിൽ പ്രതിരോധ സംവിധാനങ്ങൾ ഏർപ്പെടുത്താൻ ശുപാർശ ചെയ്യുമെന്നും മന്ത്രി പറഞ്ഞു. മന്ത്രി റോഷി അഗസ്റ്റിൻ, എംഎൽഎമാരായ എംഎം മണി, വാഴൂർ സോമൻ, കെ.രാജ, കളക്ർ ഷീബ ജോർജ്, വനംവകുപ്പിലെ മറ്റ് ഉന്നത ഉദ്യോഗസ്ഥരും യോഗത്തിൽ പങ്കെടുത്തു.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
