ഡല്ഹി: ചില പ്രത്യേക ഉല്പ്പന്നങ്ങള് വില്ക്കുമ്പോള് ഉപയോക്താക്കളുടെ വ്യക്തിഗത വിവരങ്ങള് ചോദിക്കരുതെന്ന് കച്ചവടക്കാര്ക്ക് കേന്ദ്ര ഉപഭോക്തൃകാര്യാലയ മന്ത്രാലയത്തിന്റെ നിര്ദേശം. നിരവധി ഉപഭോക്താക്കള് പരാതി നല്കിയതിനെ തുടര്ന്നാണ് നിര്ദേശം നല്കിയിരിക്കുന്നത്. ഫോണ് കോളുകളിലൂടെയും ടെക്സ്റ്റ് മെസേജുകളിലൂടെയും തട്ടിപ്പുകള് നടക്കുന്നതായുള്ള റിപ്പോര്ട്ടുകള് വര്ധിക്കുന്ന സാഹചര്യത്തിലാണ് ഈ മുന്നറിയിപ്പ്.
ചില സാധനങ്ങള് വാങ്ങുമ്പോള് ഉപയോക്താക്കളോട് അവരുടെ മൊബൈല് നമ്പറുകള് ചോദിക്കാറുണ്ട്. മൊബൈല് നമ്പുകള് നല്കാന് തയാറാകാത്തവര്ക്ക് ചില്ലറ വില്പ്പനക്കാര് സേവനം നല്കാന് വിസമ്മതിക്കുന്നതായി നിരവധി ഉപയോക്താക്കളാണ് പരാതി നല്കിയത്. എന്നാല് വ്യക്തിഗത കോണ്ടാക്റ്റ് വിവങ്ങള് നല്കാതെ തങ്ങള്ക്ക് ബില്ലടിക്കാന് സാധിക്കില്ലെന്നാണ് വില്പ്പനക്കാര് പറയുന്നത്. ഇത് ഉപയോക്തൃ സംരക്ഷണ നിയമപ്രകാരം അന്യായമാണെന്നും വിവരങ്ങള് ശേഖരിക്കുന്നതില് യാതൊരു പിന്നില് യുക്തിയില്ലെന്നുമാണ് കണ്സ്യൂമേഴ്സ് കാര്യ സെക്രട്ടറി രോഹിത് കുമാര് സിങ് ചൂണ്ടിക്കാട്ടി.