തിരുവനന്തപുരം: മദ്യനയത്തിൽ ഇളവുതേടി ബാറുടമകളുടെ സംഘടന നടത്തിയ പണപ്പിരിവ് സർക്കാരിനെ വെട്ടിലാക്കി. മദ്യനയം പരിഷ്കരിക്കാനിരിക്കെയാണ് ബാറുടമകളുടെ പണപ്പിരിവ് സംബന്ധിച്ച വിവരങ്ങൾ പുറത്തുവന്നത്. യു.ഡി.എഫ്. സർക്കാർ പൂട്ടിയ ബാറുകൾ തുറക്കാൻ അനുവദിച്ചത് ഉൾപ്പെടെ ഇടതുസർക്കാരിന്റെ മുൻ മദ്യനയങ്ങളിലെല്ലാം ബാർ ഉടമകൾക്ക് അനുകൂല ഘടകങ്ങൾ എക്കാലത്തുമുണ്ടായിരുന്നു. ചീഫ് സെക്രട്ടറിയുടെ അധ്യക്ഷതയിൽ ചേർന്ന ഉന്നതതലയോഗം ഒന്നാം തീയതിയുള്ള ഡ്രൈഡേ പിൻവലിക്കാൻ ശുപാർശചെയ്ത പശ്ചാത്തലത്തിൽ ഇത്തവണത്തെ മദ്യനയത്തിൽ ബാറുകളുടെ പ്രവർത്തനസമയം രാത്രി 12 വരെ നീട്ടുന്നത് ഉൾപ്പെടെയുള്ള ഇളവുകൾ പ്രതീക്ഷിച്ചിരുന്നു. ഈ അവസരത്തിലാണ് പണപ്പിരിവ് സംബന്ധിച്ച വിവരങ്ങളും പുറത്തുവരുന്നത്. അബ്കാരികൾ നടത്തിയ ഗൂഢാലോചനയെന്നുപറഞ്ഞ് പ്രതിരോധം ഒരുക്കുമ്പോഴും പണപ്പിരിവ് നടന്നതിന്റെ തെളിവുകൾ പുറത്തുവന്നതാണ് അന്വേഷണം ആവശ്യപ്പെടാൻ സർക്കാരിനെ പ്രേരിപ്പിച്ചത്. മദ്യനയം സംബന്ധിച്ച് ചർച്ചകൾ ആരംഭിച്ചിട്ടില്ലെന്ന് മന്ത്രി എം.ബി. രാജേഷ് ആവർത്തിക്കുകയും ചെയ്തു.
പത്തനംതിട്ട മീഡിയ ആപ്പ് ലോഞ്ച് ചെയ്തു – പ്ലേ സ്റ്റോറില്‍ ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്‍ക്ക് സ്വാഗതം. ചുരുങ്ങിയകാലംകൊണ്ട് ഓണ്‍ലൈന്‍ മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല്‍ ആപ്പ് (Android) ഇപ്പോള്‍ പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
വാര്‍ത്തകള്‍ ക്ഷണനേരം കൊണ്ട് ലോഡാകുവാന്‍ ഏറ്റവും പുതിയ സാങ്കേതികവിദ്യയാണ് ഉപയോഗിച്ചിരിക്കുന്നത്‌. മറ്റു വാര്‍ത്താ ആപ്പുകളില്‍ നിന്നും തികച്ചും വ്യത്യസ്തമാണ് പത്തനംതിട്ട മീഡിയയുടെ ആപ്പ്. ഏതൊക്കെ കാറ്റഗറിയിലുള്ള വാര്‍ത്തകള്‍ തങ്ങള്‍ക്കു വേണമെന്ന് ഓരോ വായനക്കാര്‍ക്കും തീരുമാനിക്കാം. ഒരു ദിവസത്തെ വാര്‍ത്തകള്‍ മാത്രം കാണുന്നതിനും സാധിക്കും. കൂടാതെ ഫെയ്സ് ബുക്ക്, വാട്സ് ആപ്പ് തുടങ്ങിയ സോഷ്യല്‍ മീഡിയാകളിലേക്ക് വാര്‍ത്തകള്‍ അതിവേഗം ഷെയര്‍ ചെയ്യാനും സാധിക്കും. അരോചകമായ പരസ്യങ്ങള്‍ ഉണ്ടാകില്ല. ഇന്റര്‍നെറ്റിന്റെ പോരായ്മകള്‍ ആപ്പിന്റെ പ്രവര്‍ത്തനത്തെ ബാധിക്കില്ല. തികച്ചും സൌജന്യമായാണ് വാര്‍ത്തകള്‍ ലഭിക്കുന്നത്.
