തിരുവനന്തപുരം : സര്ക്കാര് ജീവനക്കാര്ക്ക് നാലാം ശനിയാഴ്ച അവധിയാകില്ല. ഇതിനുള്ള നിര്ദേശം ഉപേക്ഷിക്കാന് സര്ക്കാരില് ധാരണയായി. അവധിക്കാര്യത്തില് ചീഫ് സെക്രട്ടറി സംഘടനകളുമായി ചര്ച്ച നടത്തിയെങ്കിലും തീരുമാനമെടുക്കാനായി ഫയല് മുഖ്യമന്ത്രിക്ക് കൈമാറുകയായിരുന്നു. എന്.ജി.ഒ യൂണിയനും, സെക്രട്ടറിയേറ്റ് എംപ്ലോയീസ് അസോസിയേഷനും നിര്ദേശത്തെ എതിര്ത്തിരുന്നു.
നാലാം ശനിയാഴ്ച അവധിയാക്കുന്നതില് സംഘടനകളുമായാണ് ചീഫ്സെക്രട്ടറി ആദ്യം ചര്ച്ച നടത്തിയത്. എന്നാല് സര്ക്കാര് മുന്നോട്ടുവെച്ച വ്യവസ്ഥകളിലൊന്നും തീരുമാനമായിരുന്നില്ല. നാലാം ശനിയാഴ്ച അവധിയാക്കേണ്ടെന്നായിരുന്നു സിപിഎം അനുകൂല സംഘടനായ സെക്രട്ടറിയേറ്റ് എംപ്ലോയിസ് അസോസിയേഷനും എന്.ജി.ഒ യൂണിയനും നിലപാടെടുത്തത്. ഇതോടെ തീരുമാനം സര്ക്കാരെടുക്കട്ടെയെന്നു ചൂണ്ടിക്കാട്ടി ചീഫ് സെക്രട്ടറി ഫയല് മുഖ്യമന്ത്രിക്ക് കൈമാറി. എന്നാല് സര്ക്കാരിനും അവധിയാക്കുന്നതിനോട് താല്പര്യമില്ല.
കാഷ്വല് ലീവുകള് നിലവിലുള്ള 20 ദിവസത്തില് നിന്നും 15 ആക്കി കുറച്ചും, 10.15 മുതല് 5.15 എന്ന പ്രവര്ത്തന സമയം പത്ത് മുതല് 5.15 വരെയാക്കി നാലാം ശനിയാഴ്ച അവധിയാക്കാനായിരുന്നു സര്ക്കാര് തലത്തിലെ ആലോചന. ലീവ് ദിവസം കുറയ്ക്കുന്നതിനെ പ്രതിപക്ഷ സംഘടനകള് എതിര്ത്തപ്പോള് രണ്ടും വ്യവസ്ഥകളോടും സിപിഎം അനുകൂല സംഘടനകള്ക്ക് മമതയില്ലായിരുന്നു. ലീവ് ദിവസം വെട്ടിക്കുറയ്ക്കുന്നതില് ചില ഇളവുകള്ക്ക് സര്ക്കാര് തയ്യാറായിരുന്നു. എന്നാല് സെക്രട്ടറിയേറ്റ് എംപ്ലോയിസ് അസോസിയേഷനും എന്.ജി.ഒ യൂണിയനും അവധി വേണ്ടെന്ന നിലപാടെടുത്തതോടെയാണ് സര്ക്കാരിനു അവധിയില് താല്പര്യമില്ലാതായത്.
വീഡിയോ എഡിറ്ററെ ആവശ്യമുണ്ട്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായിലേക്ക് വീഡിയോ എഡിറ്ററെ ആവശ്യമുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും ഓണ്ലൈന് ന്യുസ് ചാനലിന്റെ വീഡിയോ പ്ലാറ്റ്ഫോം കൈകാര്യം ചെയ്തുള്ള പരിചയം ഉണ്ടായിരിക്കണം. പത്തനംതിട്ട ഓഫീസില് ആയിരിക്കും ജോലി ചെയ്യേണ്ടത്. ശമ്പളം തുടക്കത്തില് 15000 രൂപാ പ്രതിമാസം ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
