റാന്നി: പഴവങ്ങാടി ഗ്രാമപഞ്ചായത്തിൽ പോഷണ മാസാചരണത്തിന്റെ ഭാഗമായി സെപ്റ്റംബർ ഒന്നു മുതൽ 30 വരെ ഗ്രാമപഞ്ചായത്തിൽ നടക്കുന്ന വിവിധ പരിപാടികളുടെ ഉദ്ഘാടനം ചക്കിട്ടാൻപൊയ്ക അംഗൻവാടിയിൽ വെച്ച് ഗ്രാമപഞ്ചായത്ത് പ്രസിഡന്റ് അനിത അനിൽകുമാർ നിർവഹിച്ചു. വാർഡ് മെമ്പർ ജിജി വർഗീസ് അധ്യക്ഷത വഹിച്ചു. അംഗൻവാടിയിൽ ലഭിച്ച വൈഫൈ കണക്ഷന്റെയും ഗർഭിണികൾക്കും പാലൂട്ടുന്ന അമ്മമാർക്കും നൽകുന്ന തെറാപുട്ടിക് ഫുഡിന്റെ വിതരണ ഉദ്ഘാടനവും പ്രസിഡന്റ് നിർവഹിച്ചു, ബ്ലോക്ക് പഞ്ചായത്ത് അംഗങ്ങളായ എം എസ് സുജ, അന്നമ്മ തോമസ് , ഗ്രാമപഞ്ചായത്ത് അംഗങ്ങളായ എം ജി ശ്രീകുമാർ, റൂബി കോശി, ബിജി വർഗീസ്, അനു ടി ശാമുവേൽ, ഉഷ വിദ്യാധരൻ, ഉഷ ബാലകൃഷ്ണൻ എന്നിവര് പ്രസംഗിച്ചു.
