കലഞ്ഞുർ: കലഞ്ഞുർ പഞ്ചായത്തിലെ ഇഞ്ചപ്പാറയിൽ പുതുതായി വരാനിരിക്കുന്ന പാറമടകൾക്കെതിരെ ശക്തമായി പ്രവർത്തിച്ചുവരുന്ന ജന ജാഗ്രതാ മിഷൻന്റെ സമര പന്തൽ കഴിഞ്ഞ രാത്രിയിൽ നശിപ്പിച്ചു. തുടർന്ന് തൽസ്ഥാനത്ത് സമര നേതാവിനും പ്രവർത്തകർക്കും നേരെ ഭീഷണി സ്വരത്തിൽ നോട്ടീസ് ബോർഡും സ്ഥാപിച്ചു. ടിപ്പർ ഓണേഴ്സ് ഡ്രൈവേഴ്സ് വെൽഫെയർ അസോസിയേഷൻ എന്ന് പേരിലാണ് ഭീഷണി ബോർഡ് സ്ഥാപിച്ചത്. സമര നേതാവ് കോശി ശാമുവേൽ, സമര പ്രവർത്തകരും പഞ്ചായത്ത് പ്രസിഡന്റ് പുഷ്പവല്ലി, സ്ഥലം വാർഡ് മെമ്പർ ആശ സജി (വാർഡ്4),ഇരുപതാം വാർഡ് മെമ്പർ അലക്സാണ്ടർ ഡാനിയേൽ ,എന്നിവർ ഇന്ന് രാവിലെയോടെ സ്ഥലം സന്ദർശിച്ചു. തുടർന്ന് കൂടൽ പോലീസ് സ്റ്റേഷനിൽ ജന ജാഗ്രതാ മിഷൻ പരാതി സമർപ്പിച്ചു.
