കോന്നി: റിപ്പബ്ലിക് ദിനത്തിൽ എസ്ഡിപിഐ പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ രാജ്യത്തെ മുഴുവൻ വിചാരണ തടവുകാർക്കും ജാമ്യം നൽകുക എന്ന മുദ്രാവാക്യമുയർത്തി കോന്നി ടൗണിൽ റിപ്പബ്ലിക് ദിന സംഗമം സംഘടിപ്പിച്ചു. ജില്ലാ ട്രഷറര് ഷാജി കോന്നി അധ്യക്ഷത വഹിച്ചു. ജില്ലാ ജനറൽ സെക്രട്ടറി സലീം മൗലവി സംഗമം ഉദ്ഘാടനം ചെയ്തു.
ജില്ലാ സെക്രട്ടറി സുധീർ കോന്നി, വിമൻ ഇന്ത്യാ മൂവ്മെന്റ് ജില്ലാ പ്രസിഡന്റ് അംജിത അജ്മൽ, എസ്ഡിപിഐ ആറന്മുള മണ്ഡലം പ്രസിഡന്റ് എസ് മുഹമ്മദ് റാഷിദ്, കോന്നി മണ്ഡലം പ്രസിഡന്റ് സബീർ കോന്നി എന്നിവർ സംസാരിച്ചു. ജില്ലാ ജനറൽ സെക്രട്ടറി അൻസാരി മുട്ടാർ, ജില്ലാ സെക്രട്ടറി ഷഫ്ന റാഷിദ്, ജില്ലാ കമ്മിറ്റിയംഗം സഫിയ പന്തളം എന്നിവർ നേതൃത്വം നൽകി.
