കോന്നി : എലിയറയ്ക്കൽ ഗാന്ധിഭവൻ ദേവലോകത്തിൽ രാജ്യത്തിന്റെ 77 മത് റിപ്പബ്ലിക് ദിനാഘോഷവും അമ്മയ്ക്കൊരുമ്മ പദ്ധതിയുടെ 26 മത് ദിന സംഗമവും ജനപ്രതിനിധികൾക്ക് സ്നേഹാദരവും സമ്മാനിച്ചു. റിപ്പബ്ലിക് ദിനാഘോഷവും കോന്നി പഞ്ചായത്ത് പരിധിയിലെ തൃതല പഞ്ചായത്ത് അംഗംങ്ങൾക്കുള്ള സ്നേഹാദരവും ബ്ലോക്ക് പഞ്ചായത്ത് പ്രസിഡന്റ് റോബിൻ പീറ്റർ നിർവഹിച്ചു. മാതാപിതാക്കളെ വീടുകളിൽ തന്നെ സംരക്ഷിക്കണം എന്ന സന്ദേശം വിദ്യാർത്ഥികളിലേക്കും യുവജനങ്ങളിലേക്കും സമൂഹത്തിലേക്കും പകർന്നു നൽകുന്നതിന്റെ ഭാഗമായി പത്തനാപുരം ഗാന്ധിഭവന്റ നേതൃത്വത്തിൽ ആരംഭിച്ച അമ്മയ്ക്കൊരുമ്മ പദ്ധതിയുടെ 26ദിനം പത്തനംതിട്ട ജില്ലാ പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ എം വി അമ്പിളി നിർവഹിച്ചു.
ത്രിതല പഞ്ചായത്ത് ജനപ്രതിനിധികൾക്ക് സ്നേഹാദരവിനോപ്പം ഗാന്ധിഭവന്റെ പദ്ധതിയായ അയൽ വീട്ടിൽ ഒരു മരം എന്ന പദ്ധതിയുടെ ഭാഗമായി ഫലവൃക്ഷ തൈകൾ സമ്മാനിച്ചു. കോന്നി ഗ്രാമപഞ്ചായത്ത് പ്രസിഡന്റ് റോജി എബ്രഹാം അധ്യക്ഷത വഹിച്ച ചടങ്ങിൽ ജില്ലാ പഞ്ചായത്ത് കോന്നി ഡിവിഷൻ മെമ്പർ എസ് സന്തോഷ് കുമാർ, കലഞ്ഞൂർ ശ്രീമഹാദേവക്ഷേത്രം മേൽശാന്തി ജിതേഷ് രാമര് പോറ്റി, കോന്നി ഗ്രാമ പഞ്ചായത്ത് വൈസ് പ്രസിഡന്റ് ശോഭ മുരളി, വാർഡ് മെമ്പർ പ്രവീൺ പ്ലാവിളയിൽ, പരിസ്ഥിതി പ്രവർത്തകൻ സലിൽ വയലാത്തല, മുൻ മെമ്പർ തോമസ് കാലായിൽ, റിട്ട. ഫോറെസ്റ്റ് ഓഫീസർ ചിറ്റാർ ആനന്ദൻ, മുൻ മെമ്പർ നുഹ് മുഹമ്മദ്, ബ്ലോക്ക് മെമ്പർ സൗദാ ബീഗം, കോന്നി പഞ്ചായത്ത് മെമ്പർമാരായ കെ പി ശിവദാസ്, തോമസ് വർഗീസ്, സുജിത് ബാലഗോപാൽ, എന്നിവർ ആശംസകൾ അറിയിച്ചു. ഗാന്ധിഭവൻ ദേവലോകം ഡയറക്ടർ എസ് അജീഷ് സ്വാഗതവും ദേവലോകം വികസന സമിതി അംഗം മനോജ് പുളിവേലിൽ നന്ദിയും അറിയിച്ചു.
