അഹമ്മദാബാദ് : ഗുജറാത്തി നടന് നരേഷ് കനോഡിയ (77) അന്തരിച്ചു. കൊവിഡ് ബാധിച്ചതിനെ തുടര്ന്നാണ് മരണം. അഹമ്മദാബാദ് യുഎന് മേഹ്ത ഇന്സ്റ്റിറ്റ്യൂട്ടില് കഴിഞ്ഞ നാല് ദിവസമായി കോവിഡ് ചികിത്സയിലായിരുന്നു ഇദ്ദേഹം. ഗുജറാത്ത് മുഖ്യമന്ത്രി വിജയ് രുപാനി നരേഷ് കനോഡിയയുടെ മരണത്തില് അനുശോചനം അറിയിച്ചു. ഗുജറാത്ത് സിനിമയിലെ അമിതാഭ് ബച്ചന് എന്ന വിശേഷണം നേടിയ വ്യക്തികൂടിയാണ് അന്തരിച്ച നരേഷ് കനോഡിയ. രണ്ട് ദിവസം മുമ്പ് നരേഷ് കനോഡിയയുടെ സഹോദരനും സംഗീതജ്ഞനും ഗായകനുമായ മഹേഷ് കനോഡിയയും (83)മരണമടഞ്ഞിരുന്നു. പ്രായാധിക്യം മൂലമുള്ള അസുഖങ്ങളാണ് മരണ കാരണം.
നരേഷ് കനോഡിയയുടെ മരണത്തില് പ്രധാനമന്ത്രി നരേന്ദ്ര മോദി അതീവ ദുഖം രേഖപ്പെടുത്തി. നരേഷ് കനോഡിയ ബിജെപി സീറ്റില് ഗുജറാത്തില് വിജയിച്ച വ്യക്തിയാണ്. സഹോദരന് മഹേഷ് കനോഡിയ ബിജെപി സീറ്റില് അഞ്ച് തവണ ഗുജറാത്തില് നിന്ന് ബിജെപി എംപിയാവുകയും ചെയ്തിട്ടുണ്ട്. നരേഷ് കനോഡിയയും മഹേഷ് കനോഡിയയും ചേര്ന്ന് മഹേഷ്- നരേഷ് ആന്ഡ് പാര്ട്ടി എന്ന പേരില് ഒരു ഓര്ക്കസ്ട്രയും നടത്തുന്നുണ്ടായിരുന്നു. നരേഷ് കനോഡിയയും മകന് ഹിതു കനോഡിയയും ഗുജറാത്തി നടനും ഒപ്പം അദ്ദേഹം ഗുജറാത്തിലെ ബിജെപി എംഎല്എയുമാണ്.
