ചിറ്റാർ : സംസ്ഥാനത്ത് ഉടനീളം നവകേരള സദസിന്റെ മറവിൽ പോലീസിന്റെ സാന്നിധ്യത്തിൽ ഡി വൈ എഫ് ഐ, എസ്എഫ്എ പ്രവ൪ത്തക൪ ഗുണ്ടാരാജ് നടപ്പിലാക്കുകയാണെന്ന് ജില്ലാ കോൺഗ്രസ് കമ്മിറ്റി വൈസ് പ്രസിഡന്റ് വെട്ടൂ൪ ജ്യോതിപ്രസാദ് പറഞ്ഞു. ജനാധിപത്യ രീതിയിൽ സമരം ചെയ്യുന്ന കെ.എസ്.യു, യൂത്ത് കോൺഗ്രസ് പ്രവർത്തകരര യാതൊരു കാരണവും കൂടാതെ മര്ദ്ദിക്കുകയാണ്. നവകേരള സദസിന്റെ മറവിൽ കേരളത്തിൽ അരാജകത്വമാണ് നടക്കുന്നതെന്നും അദ്ദേഹ൦ജ്യോതി പ്രസാദ് പറഞ്ഞു. അക്രമസംഭവങ്ങൾക്കെതിരെ കെ.പി.സി.സിയുടെ നിർദേശാനുസരണം സംസ്ഥാന വ്യാപകമായി നടത്തിയ സമരത്തിന്റെ ഭാഗമായി ചിറ്റാർ പോലീസ് സ്റ്റേഷനിലേക്ക് നടത്തിയ മാർച്ചും ധർണ്ണയും ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
മണ്ഡലം പ്രസിഡന്റ് സണ്ണി ചള്ളയ്ക്കൽ അദ്ധ്യക്ഷത വഹിച്ചു. പഞ്ചായത്ത് അംഗങ്ങളായ എ.ബഷീർ, സൂസമ്മ ദാസ്, റീനാ ബിനു, ബ്ലോക്ക് ജനറൽ സെക്രട്ടറി എം.ആര് ശ്രീധരൻ, മണ്ഡലം ഭാരവാഹികളായ സത്യദേവൻ, രാജശേഖരൻ, വിനോദ് നീലിപിലാവ്, ഷിനു മാത്യു, ബിനു, റെജിമോൻ, ഷിബു ടി.പി, ദിലീപ്, സാമോൻ, സോജി, തമ്പാൻ, മഹിളാ കോൺഗ്രസ് നേതാക്കളായ സലീന, ഷിജി എന്നിവർ പ്രസംഗിച്ചു.
