പത്തനംതിട്ട : അഖിലേന്ത്യ അവാര്ഡ് ടീച്ചേഴ്സ് ഫെഡറേഷൻ മികച്ച അധ്യാപകർക്ക് ഏർപ്പെടുത്തുന്ന ഗുരു ശ്രേഷ്ഠ പുരസ്കാരം ജയശ്രീ ജ്യോതി പ്രസാദിന്. ഹൈസ്കൂൾ വിഭാഗം പറക്കോട് അമൃത ബോയ്സ് ഹൈസ്കൂളിലെ പ്രഥമ അധ്യാപികയാണ് ജയശ്രീജ്യോതി പ്രസാദ്.
കഴിഞ്ഞ മൂന്ന് പതിറ്റാണ്ടോളമായി പറക്കോട് അമൃത ബോയ്സ് ഹൈസ്കൂളിൽ അധ്യാപിക എന്ന നിലയിലും സാമൂഹിക പൊതുപ്രവർത്തനരംഗത്തും ജയശ്രീ നടത്തിയ മികവുറ്റ പ്രവർത്തനങ്ങൾക്കാണ് അവാർഡ് ലഭിച്ചിരിക്കുന്നത്. കെ പി എസ് ടി എ സംസ്ഥാന വനിതാ ചെയർപേഴ്സൺ ജവഹർ ബാലമഞ്ച് ജില്ലാ ചീഫ് കോർഡിനേറ്റർ പത്തനംതിട്ട അധ്യാപക ബാങ്ക് ഡയറക്ടർ ബോർഡ് മെമ്പർ എന്നീ നിലകളിൽ പ്രവർത്തിച്ച വരുകയാണ് ജയശ്രീ.
