തിരുവല്ല : എസ്.എൻ.ഡി.പി.യോഗം തിരുവല്ല യൂണിയന്റെ 48 ശാഖകളിലുമായി നടന്നുവരുന്ന ഗുരുവിചാര ജ്ഞാനയജ്ഞത്തിന്റെ 13 -ാമത് വേദി പെരിങ്ങര 594 ഗുരുവാണീശ്വരം ശാഖയിൽ നടന്നു. ശാഖാ സെക്രട്ടറി സുധീഷ് ഡി അദ്ധ്യക്ഷത വഹിച്ച യോഗം തിരുവല്ല യൂണിയൻ അഡ്മിനിസ്ട്രേറ്റർ ഉദ്ഘാടനം നിർവഹിച്ചു. വൈദീകസമിതി കേന്ദ്രകമ്മിറ്റി ജോ.കൺവീനർ ഷാജി ഷാന്തിയുടെ നേതൃത്വത്തിൽ പ്രാർത്ഥന സത്സംഗം നടന്നു. യൂണിയൻ യൂത്ത്മൂവ്മെന്റ് കൺവീനർ അനീഷ് ആനന്ദ് ജ്ഞാനയജ്ഞ സന്ദേശവും സൈബർസേന കേന്ദ്രസമിതി ജോയിന്റ് കൺവീനർ ശരത് ശശി സംഘടന സന്ദേശവും നൽകി.
മേഖലാ ചെയർമാൻ ശിവൻ എം.കെ, യൂണിയൻ പോഷകസംഘടന ഭാരവാഹികളായ മീനു രാജേഷ്, ആര്യമോൾ, അഭിരാമി ബെനി, സ്വാതി ഷാജി, ശാഖാ വനിതാസംഘം സെക്രട്ടറി അജിതാ രാജൻ എന്നിവർ സംസാരിച്ചു. ശാഖായോഗം യൂണിയൻ കമ്മിറ്റി അംഗം ജിത്തു വി.ബി സ്വാഗതവും യൂണിയൻ സൈബർസേന കൺവീനർ ബിബിൻ ബിനു കൃതജ്ഞതയും പറഞ്ഞു.
