റാന്നി: മന്ദിരം പടിയിലെ തിരുവാഭരണ പാതയിൽ ഇരിപ്പടം ഒരുക്കി ഹാപ്പിനസ് പാർക്കായി രൂപപ്പെടുത്തിയ സ്ഥലം ഇന്റര് ലോക്ക് കട്ടകള് പാകി മനോഹരമാക്കുന്നു. ഇവിടെ വിശ്രമ കേന്ദ്രം ഒരുക്കാൻ റാന്നി ഗ്രാമ പഞ്ചായത്ത് നടപ്പിലാക്കിയ പദ്ധതിയുടെ ഭാഗമാണിത്. ഇവിടെ ബെഞ്ചുകൾ സ്ഥാപിച്ച് ചുറ്റും പൂച്ചെടികള് വെച്ച് പിടിപ്പിച്ചിരുന്നു. എന്നാല് പരിചരണം ലഭിക്കാതെ വന്നതോടെ ചുറ്റും പുല്ലുകൾ വളർന്ന് ഇഴജന്തുക്കളുടെ കേന്ദ്രമായി മാറിയിരുന്നു. ഇതുമൂലം ബെഞ്ചുകളിൽ ഇരിക്കാൻ ആളുകള് ഭയപ്പെട്ടിരുന്നു.
ഇതിനിടയില് ബെഞ്ചുകളുടെ ഗ്രാനൈറ്റ് തല്ലി തകർക്കുവാൻ ചില സാമൂഹ്യ വിരുദ്ധര് ശ്രമിച്ചിരുന്നു. തുടര്ന്ന് ഈ സ്ഥലത്ത് നിരീക്ഷണ ക്യാമറകൾ സ്ഥാപിച്ചുവെങ്കിലും സാമൂഹ്യവിരുദ്ധരെ കണ്ടെത്താൻ സാധിച്ചിരുന്നില്ല. ഇപ്പോൾ ബെഞ്ചുകൾക്ക് ചുറ്റും ഇന്റര് ലോക്ക് കട്ടകള് സ്ഥാപിക്കുന്ന ജോലികള് നടക്കുകയാണ്. വൈകുന്നേരങ്ങളില് വിശ്രമത്തിനായി ഈ സംവിധാനങ്ങൾ നാട്ടുകാർക്ക് പ്രയോജനമാണ്. തിരുവാഭരണ ഘോഷയാത്രയുടെ ഒപ്പം
കാൽ നടയായി എത്തുന്ന അയ്യപ്പ ഭക്തർക്കും ഗുണകരമാണ് ഈ പദ്ധതി.
