പന്തളം : ഹരിത കർമ്മ സേന (സിഐടിയു) പത്തനംതിട്ട ജില്ല സമ്മേളനം പന്തളത്ത് നടന്നു. സമ്മേളനം സിഐടിയു സംസ്ഥാന വൈസ് പ്രസിഡൻറ് പി ബി ഹർഷകുമാർ ഉദ്ഘാടനം ചെയ്തു. ജില്ലാ പ്രസിഡൻറ് കെ രാധിക അധ്യക്ഷത വഹിച്ചു. ജില്ലാ സെക്രട്ടറി മനുഭായിമോഹൻ റിപ്പോർട്ട് അവതരിപ്പിച്ചു. പി എ അനിൽകുമാർ രക്തസാക്ഷി പ്രമേയവും ബാബു ജോൺ അനുശോചന പ്രമേയവും അവതരിപ്പിച്ചു. സമ്മേളനത്തിന് മുന്നോടിയായി കെ രാധിക പതാക ഉയർത്തി. പ്രതിനിധികൾ പുഷ്പാർച്ചന നടത്തി.
സംഘാടകസമിതി ചെയർമാൻ ആർ ജ്യോതികുമാർ, ജനറൽ കൺവീനർ പ്രമോദ് കണ്ണങ്കര, സിപിഐഎം ജില്ലാ കമ്മിറ്റിയംഗം ലസിത നായർ, പന്തളം നഗരസഭ അധ്യക്ഷ എം ആർ കൃഷ്ണകുമാരി, ജില്ലാ പഞ്ചായത്ത് അംഗം ബീന പ്രഭ,
കൗൺസിലർമാരായ കെ മോഹൻദാസ്, ദീപാ കുമാരി, സിഐടിയു സംസ്ഥാന കമ്മിറ്റി അംഗം എം ബി പ്രഭാവതി, അടൂർ നഗരസഭ മുൻ അധ്യക്ഷ ദിവ്യ റെജി മുഹമ്മദ്, വിവിധ സംഘടന ഭാരവാഹികളായ വി പി രാജേശ്വരൻ നായർ, കെ എൻ പ്രസന്നകുമാർ, എം രാജൻ, ഷൈജു വലിയവിള, ഗീതാ രാജൻ, കെ ജി ചന്ദ്രബാനു, കെ എച്ച് ഷിജു, അമ്പിളി മധു, ഓമന രാജൻ, പി കെ ശാന്തപ്പൻ, കെ ബി പ്രമോദ് എന്നിവർ സംസാരിച്ചു. ജില്ലാ ഭാരവാഹികളായി പ്രമോദ് കണ്ണങ്കര (പ്രസിഡൻറ്), കെ രാധിക (വർക്കിംഗ് പ്രസിഡൻറ്), ബാബു ജോൺ, ദിവ്യാ റജി മുഹമ്മദ് (വൈസ് പ്രസിഡൻറ്മാർ), മനുഭായിമോഹൻ (സെക്രട്ടറി), ഷൈജു വലിയവിള, രജിത (ജോയിൻ സെക്രട്ടറിമാർ), പി എ അനിൽകുമാർ ( ട്രഷറർ), എന്നിവരടക്കം സമ്മേളനം 35 അംഗ ജില്ലാ കമ്മിറ്റിയെ തിരഞ്ഞെടുത്തു.
