കണ്ണൂര് : തലശ്ശേരി പുന്നോലില് സി പി എം പ്രവര്ത്തകനായ ഹരിദാസിനെ വെട്ടിക്കൊന്നതില് പ്രതിഷേധിച്ച് തലശ്ശേരി നഗരസഭയിലും ന്യൂ മാഹി പഞ്ചായത്തിലും ഇന്ന് സി പി എം ഹര്ത്താല്. ഇന്ന് പുലര്ച്ചെ രണ്ട് മണിക്കായിരുന്നു രണ്ട് ബൈക്കുകളിലായെത്തിയ സംഘം ഹരിദാസിനെ ബന്ധുകളുടെ മുന്നില് വെച്ച് വെട്ടിക്കൊന്നത്. തലശ്ശേരി സഹകരണ ആശുപത്രയില് സൂക്ഷിച്ചിരുന്ന മൃതദേഹം പരിയാരം മെഡിക്കല് കോളേജിലേക്ക് മാറ്റി. കൊലപാതകത്തിന് പിന്നില് ആര് എസ് എസ് ആണെന്നാണ് സി പി ഐ എമ്മിന്റെ ആരോപണം. മത്സ്യത്തൊഴിലാളിയായ ഹരിദാസ് ജോലി കഴിഞ്ഞ് വീട്ടിലേക്ക് മടങ്ങുമ്പോളായിരുന്നു അക്രമണം. അക്രമികളെ തടയാന് ശ്രമിച്ച ഹരിദാസിന്റെ സഹോദരന് സുരനും വെട്ടേറ്റിട്ടുണ്ട്.
