തിരുവല്ല : ആശുപത്രിയില് ചികിത്സക്കായി പോയ ക്യാന്സര് രോഗിയെ തടഞ്ഞതിനെ തുടര്ന്ന് ഹര്ത്താല് അനുകൂലികളും രോഗിയുടെ ബന്ധുക്കളും തമ്മില് വാക്കേറ്റം. പത്ത് ദിവസങ്ങള്ക്ക് മുന്പ് പ്രഖ്യാപിച്ച ഹര്ത്താല് ആണിതെന്നും അതിനാല് ഹര്ത്താല് ദിവസം ആശുപത്രിയില് പോകാതെ അതിന് മുന്പ് പോകണമായിരുന്നു എന്നും ഹര്ത്താല് അനുകൂലികള് രോഗിയോടും ബന്ധുക്കളോടും പറഞ്ഞു. എന്നാല് രോഗത്തിന് അങ്ങനെ വല്ലതും ഉണ്ടോ ? അസുഖം വന്നാല് ആശുപത്രില് പോകണ്ടേ… എന്നായി ബന്ധുക്കളുടെയും രോഗിയുടെയും മറു ചോദ്യം. ഹര്ത്താല് പൊളിക്കാനാണോ നീ വന്നത് എന്നും ഹര്ത്താലിന് നേതൃത്വം നല്കിയവര് രോഗിയോട് ചോദിച്ചു.
ഒരു രോഗിയോട് ഈ തരത്തില് പെരുമാറരുത് എന്നും യാത്രക്കാര് പറഞ്ഞു. തുടര്ന്ന് പോലീസ് ഇടപെട്ടാണ് രംഗം ശാന്തമാക്കിയത്. തുടര്ന്ന് ഇരുകൂട്ടരെയും സ്ഥലത്ത് നിന്നും മാറ്റുകയും ചെയ്തു. അടൂരില് കൈക്കുഞ്ഞുമായി വന്ന വീട്ടമ്മയും ഹര്ത്താലിന് എതിരെ പ്രതികരിച്ചു. കൈക്കുഞ്ഞുമായി ആഹാരം പോലും കഴിക്കാതെ മണിക്കൂറുകളോളം ബസ് കാത്ത് നില്ക്കുകയാണ് എന്നും വീട്ടമ്മ പ്രതികരിച്ചു.
