കോട്ടയം : മര്മതൈലം വില്ക്കാനെന്ന പേരില് വീട്ടിലെത്തി പ്രായപൂര്ത്തിയാകാത്ത പെണ്കുട്ടിയ പീഡിപ്പിച്ച യുവാവ് അറസ്റ്റില്. മണിമല ഏറത്തുവടകര തോലുകുന്നല് വീട്ടില് വിഷ്ണു മോഹന് (28) ആണ് പോലീസ് പിടിയിലായത്. കോട്ടയം ചിങ്ങവനത്ത് കഴിഞ്ഞദിവസമാണ് സംഭവം. വീടുകള് കയറി മര്മതൈലം വില്ക്കുന്നയാളാണ് ഇയാളെന്ന് പോലീസ് പറഞ്ഞു.
തൈലം വില്പ്പനയ്ക്കായി വീടുകള് കയറുന്നതിനിടെ വീട്ടില് തനിച്ചായിരുന്ന പ്രായപൂര്ത്തിയാകാത്ത പെണ്കുട്ടിയെയാണ് പീഡിപ്പിച്ചത്. തൈലം പുരട്ടാനെന്ന പേരില് പെണ്കുട്ടിയെ കടന്നുപിടിച്ച് പീഡിപ്പിക്കുകയായിരുന്നു. വിദ്യാര്ത്ഥിനി ബഹളമുണ്ടാക്കിയതോടെ ഇയാള് ഓടിരക്ഷപെട്ടു. വീട്ടുകാരുടെ പരാതിയില് കേസെടുത്ത ചിങ്ങവനം പോലീസ് പ്രതിയെ പിടികൂടുകയായിരുന്നു.
