പത്തനംതിട്ട : കേരളത്തിന്റെ ആരോഗ്യ മന്ത്രി വീണാ ജോര്ജ്ജിന്റെ നാട് കാമാത്തിപ്പുരയാകുന്നു. പലരും മൂക്കത്ത് വിരല് വെക്കുകയും അതിശയോക്തി പ്രകടിപ്പിക്കുകയും ചെയ്യും. എന്നാല് യാഥാര്ഥ്യങ്ങളുമായി പൊരുത്തപ്പെട്ടാല് ഇതൊക്കെ സത്യമാണെന്ന് തിരിച്ചറിയുകയും ചെയ്യും. ആരോഗ്യ മന്ത്രിയുടെ കുടുംബവീടിനടുത്താണ് ഒരു വ്യഭിചാര കേന്ദ്രം പ്രവര്ത്തിക്കുന്നത്. ഏറിയാല് രണ്ടു കിലോമീറ്റര് മാറി, അതും പുനലൂര് – മൂവാറ്റുപുഴ ഹൈവേയുടെ അരികില് മൈലപ്രാ എന്ന സ്ഥലത്ത്. ആയുര്വേദ സ്പാ എന്ന പേരിലാണ് പലതും അറിയപ്പെടുന്നത്. ഇവിടുത്തെ ജീവനക്കാര് മിക്കവരും ജില്ലക്ക് പുറത്തുള്ളവരാണ്. ഹൈവേയുടെ ഓരത്ത് തന്നെ ഇത്ര ധൈര്യമായി വ്യഭിചാര കേന്ദ്രം നടത്തുവാന് ധൈര്യപ്പെടുന്നത് ആരെന്നു വ്യക്തമാണ്. പാര്ട്ടിയിലും പോലീസിലും ശക്തമായ പിടിപാടുള്ളവര് തന്നെയാണ് ഇതിനുപിന്നില്, ആയുര്വേദ സ്പാ എന്ന ലേബലില് ലൈസന്സ് സമ്പാദിച്ചതിന് പിന്നിലും വമ്പന്മാരുടെ ഇടപെടലുകള് ഉണ്ടെന്നു സംശയിക്കേണ്ടിയിരിക്കുന്നു.
പത്തനംതിട്ട നഗരത്തിലും ഇത്തരം സ്ഥാപനങ്ങള് യഥേഷ്ടം പ്രവര്ത്തിക്കുന്നു. ഇതിനെതിരെ നടപടിയെടുക്കേണ്ട ഉദ്യോഗസ്ഥര് ഇവിടുത്തെ സ്ഥിരം ഇടപാടുകാരാണ്, അതുകൊണ്ടുതന്നെ ആര്ക്കെതിരെയും ഒരു നടപടിയും സ്വീകരിക്കില്ല, പത്തനംതിട്ട നഗരവും സമീപ സ്ഥലങ്ങളും മുംബൈയിലെ ചുവന്ന തെരുവിന് സമാനമാകുകയാണ്. ആയുര്വേദ സ്പാ, മസ്സാജിംഗ്, ബ്യൂട്ടി പാര്ലര് എന്നിവയുടെ മറവിലാണ് പത്തനംതിട്ടയില് പരസ്യമായി വ്യഭിചാര കേന്ദ്രങ്ങള് പ്രവര്ത്തിക്കുന്നത്. ജനപ്രതിനിധികള് മൌനം പാലിക്കുകയാണ്. വീണാ ജോര്ജ്ജ് പാര്ട്ടിക്കാരെ വെറുപ്പിക്കുവാന് തയ്യാറുമല്ല. അതുകൊണ്ടുതന്നെ പത്തനംതിട്ടയുടെ മുഖവും പ്രശസ്തിയും മാറുകയാണ് ……