കണ്ണൂര്‍ : കണ്ണൂരില്‍ കൊവിഡ് നിരീക്ഷണത്തിന് മുറിയെടുത്ത ആരോഗ്യ പ്രവര്‍ത്തകരെ റിസോര്‍ട്ട് ജീവനക്കാര്‍ അധിഷേപിച്ചതായി പരാതി. കണ്ണൂര്‍ മസ്‌കോട്ട് ബീച്ച്‌ റിസോര്‍ട്ട് അധികൃതര്‍ക്കെതിരെയാണ് ആരോഗ്യപ്രവര്‍ത്തകര്‍ പരാതി ഉന്നയിച്ചിരിക്കുന്നത് . പതിനാല് ദിവസത്തെ നിരീക്ഷണത്തിനായി മുറിയെടുത്ത ആരോഗ്യ പ്രവര്‍ത്തകരെയാണ് റിസോര്‍ട്ട് അധികൃതര്‍ അധിക്ഷേപിച്ചത്. ഐസൊലേഷന്‍ വാര്‍ഡില്‍ ഉള്‍പ്പെടെ ജോലി ചെയ്ത 20 അംഗ സംഘമാണിവര്‍. കുടിവെള്ളം നല്‍കില്ലെന്ന് റിസോര്‍ട്ട് ജീവനക്കാര്‍ പറഞ്ഞതായി ആരോഗ്യപ്രവര്‍ത്തകര്‍ കളക്ടര്‍ക്ക് നല്‍കിയ പരാതിയില്‍ പറയുന്നു. ആരോഗ്യപ്രവര്‍ത്തകരെ മറ്റൊരു ഹോട്ടലിലേയ്ക്ക് മാറ്റി.
