അയര്ലന്റ് : മലയാളി നഴ്സ് അയര്ലണ്ടില് കൊറോണ ബാധിച്ചു മരിച്ചു. കോട്ടയം കുറുപ്പന്തറ സ്വദേശി ബീനാ ജോര്ജാണ് (54) മരിച്ചത്. ഇന്ന് രാവിലെയായിരുന്നു മരണം. അര്ബുദ രോഗബാധയെതുടര്ന്ന് ഏതാനും നാളുകളായി ചികിത്സയിലായിരുന്നു. രോഗം കലശലായതിനെ തുടര്ന്ന് കഴിഞ്ഞ മാസം മുതല് ഡ്യൂട്ടിയില് നിന്നും അവധിയില് ആയിരുന്നു. ദ്രോഗഡ ആശുപത്രിയിലെ സ്റ്റാഫ് നഴ്സായിരുന്നു.
കൊവിഡ് സ്ഥിരീകരിച്ചിട്ട് രണ്ട് ദിവസമേ ആയിരുന്നുള്ളു. മൃതദേഹം മോര്ച്ചറിയിലേക്ക് മാറ്റി . സംസ്കാരം ഐറിഷ് സര്ക്കാരിന്റെ കൊറോണ പ്രോട്ടോക്കോള് അനുസരിച്ചു നടത്താനുള്ള ക്രമീകരണങ്ങള് ആരംഭിച്ചിട്ടുണ്ട്.
