തിരുവനന്തപുരം : സംസ്ഥാനത്ത് വ്യാഴാഴ്ച കാലവര്ഷം ശക്തമാകാന് സാധ്യതയെന്ന് കാലാവസ്ഥ നിരീക്ഷണ കേന്ദ്രം. അതേസമയം തെക്കന് കേരളത്തില് മഴ കുറവായിരിക്കുമെന്നും കാലാവസ്ഥ നിരീക്ഷണ കേന്ദ്രം അറിയിച്ചു. ഈ സാഹചര്യത്തില് ഇന്ന് സംസ്ഥാനത്തെ ഒന്പത് ജില്ലകളില് യെല്ലോ അലേര്ട്ട് പ്രഖ്യാപിച്ചു. കോട്ടയം എറണാകുളം, ഇടുക്കി, തൃശ്ശൂര്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്.
കോഴിക്കോട് ജില്ലയില് പതിമൂന്നാം തീയതി വരെയാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്. കനത്ത മഴയ്ക്ക് സാധ്യതയുള്ളതിനാല് മലയോര മേഖലകളിലും തീരദേശപ്രദേശങ്ങളിലും താമസിക്കുന്നവര് ജാഗ്രത പാലിക്കണമെന്നും നിര്ദേശമുണ്ട്. കേരളത്തില് 15 ഓട്ടോമാറ്റിക് കാലാവസ്ഥാ മാപിനികള് കാലാവസ്ഥ വകുപ്പ് സ്ഥാപിച്ച് കഴിഞ്ഞു.
