തണ്ണിമത്തൻ മികച്ച ഭഷ്യവിഭവമാണ്. ഇതിൽ തൊണ്ണൂറ് ശതമാനം ജലമാണ് അടങ്ങിയിട്ടുള്ളത്. തണ്ണിമത്തൻ ഏത് സമയത്ത് കഴിക്കുന്നതും മികച്ച ഉൻമേഷം നൽകും. രക്തസമ്മർദ്ദം കുറയ്ക്കുന്നതിന് തണ്ണിമത്തൻ വളരെ സഹായകരമാണ്. പൊട്ടാസ്യം, മഗ്നീഷ്യം എന്നിവ ധാരാളം ഇതില് അടങ്ങിയിട്ടുണ്ട്. ആരോഗ്യമുള്ള മുതിർന്നവരില് രക്തസമ്മർദ്ദം കുറയ്ക്കാനും തണ്ണിമത്തൻ നല്ലതാണ്. തണ്ണിമത്തനില് ശരീരത്തിലെ നൈട്രിക് ഓക്സൈഡിന്റെ അളവ് വർദ്ധിപ്പിക്കുന്ന സിട്രുലിൻ എന്ന അമിനോ ആസിഡും ഉണ്ട്. നൈട്രിക് ഓക്സൈഡ് ശരീരത്തിലെ രക്തക്കുഴലുകള് വികസിപ്പിക്കാൻ സഹായിക്കുന്നു. ഇത് വഴി രക്തസമ്മർദ്ദം കുറയുന്നു. ഇടയ്ക്കിടെ വിശപ്പ് ഉണ്ടാകുന്നവർക്ക് അത് ശമിപ്പിക്കാൻ തണ്ണിമത്തൻ നല്ലതാണ്. തണ്ണിമത്തൻ ശരീര ഭാരം വർദ്ധിപ്പിക്കില്ല. തണ്ണിമത്തനിൽ ഉയർന്ന അളവിലുള്ള വിറ്റാമിൻ എ, സി എന്നിവ ആരോഗ്യമുള്ള മുടിക്കും ചർമ്മത്തിനും നല്ലതാണ്.
മുടിയെയും ചർമ്മ പാളിയെയും ശക്തിപ്പെടുത്തുന്ന പ്രോട്ടീനായ കൊളാജൻ ഉണ്ടാക്കാൻ ഇത് ഉപകരിക്കും. ഇതിലടങ്ങിയിരിക്കുന്ന വിറ്റാമിൻ തണ്ണിമത്തനിലെ ലൈക്കോപീനും ബീറ്റാ കരോറ്റിനും ചർമ്മത്തെ വെയിലില് നിന്ന് സംരക്ഷിക്കും. ചെറിയ അളവിലുള്ള നിർജ്ജലീകരണം പോലും ക്ഷീണം, തലവേദന, പേശിവലിവ്, രക്തസമ്മർദ്ദ പ്രശ്നങ്ങള് സൃഷ്ടിക്കും. അതിനാല് നല്ല ആരോഗ്യത്തിന് ശരീരത്തില് ജലാംശം നിലനിർത്തുന്നത് പ്രധാനമാണ്. അതിന് ഏറ്റവും ഉത്തമമാണ് തണ്ണിമത്തൻ. ഇതില് പ്രധാനമായും വെള്ളം (90%) ആണുള്ളത്. അതിനാല് നിർജ്ജലീകരണത്തിന് അനുയോജ്യമായ ഒന്നാണിത്. പ്രത്യേകിച്ച് ദാഹത്തിന്റെ സംവേദനം അത്ര സജീവമല്ലാത്ത പ്രായമായവർക്ക് ഇടയ്ക്കിടെ ഇത് കഴിക്കുന്നത് ഗുണകരമാണ്. ലൈക്കോപീൻ, വിറ്റാമിൻ സി തുടങ്ങിയ ആന്റിഓക്സിഡന്റുകളാൽ സമ്പന്നമാണ് തണ്ണിമത്തൻ. ഇത് വേദന, നീർവീക്കം എന്നിവയെ ഇല്ലാതാക്കും. ലൈക്കോപീൻ കോശജ്വലന പ്രക്രിയകളെ തടയുകയും ഫ്രീ റാഡിക്കലുകളെ നിർവീര്യമാക്കുന്നതിനുള്ള ഒരു ആന്റിഓക്സിഡന്റായി പ്രവർത്തിക്കുകയും ചെയ്യുന്നു. തണ്ണിമത്തനില് കോളിൻ അടങ്ങിയിട്ടുണ്ട്, ഇത് വിട്ടുമാറാത്ത വീക്കം കുറയ്ക്കാൻ സഹായിക്കും.
