പലരും നേരിടുന്ന പ്രധാന പ്രശ്നങ്ങളിലൊന്നാണ് കണ്ണിനടിയിലെ കറുപ്പ് അഥവ ഡാർക് സർക്കിൾസ്. ഇത് മാറ്റാൻ അത്ര എളുപ്പമല്ലെങ്കിലും വീട്ടിൽ തന്നെ ഇതിന് ചില പരിഹാര മാർഗങ്ങളുണ്ട്. ചർമ്മത്തിന് ഏറെ നല്ലതാണ് ഉരുളക്കിഴങ്ങിൻ്റെ നീര്. ഇത് ഉപയോഗിക്കുന്നത് ചർമ്മത്തിലെ ഹൈപ്പർ പിഗ്മൻേഷനും അതുപോലെ നിറ വ്യത്യാസവുമൊക്കെ ഇല്ലാതാക്കാൻ വളരെയധികം സഹായിക്കാറുണ്ട്. ആഴ്ചയിൽ ഒരിക്കൽ ഇത് ചേർത്ത ഫേസ് പായ്ക്ക് മുഖത്തിടുന്നത് പല ഗുണങ്ങളും നൽകാറുണ്ട്. കൂടാതെ ചർമ്മത്തിന് വളരെ നല്ലതാണ് ഉരുളക്കിഴങ്ങിൻ്റെ നീരെന്ന് തന്നെ പറയാം. വൈറ്റമിൻ ബി, സി എന്നിവയാൽ സമ്പുഷ്ടമാണ് ഉരുളക്കിഴങ്ങിൻ്റെ നീര്. ചർമ്മത്തിലെ പ്രായമാകുന്നതിൻ്റെ ലക്ഷണങ്ങളെ എളുപ്പത്തിൽ തടയാനും ഇത് സഹായിക്കും.
കാപ്പിപൊടി
ചർമ്മത്തെ എക്സ്ഫോളിയേറ്റ് ചെയ്യാൻ ഏറെ നല്ലതാണ് കാപ്പിപൊടി. ഇതിലെ പല ഘടകങ്ങളും ചർമ്മത്തിന് തിളക്കവും അതുപോലെ കരിവാളിപ്പ് പോലെയുള്ള പ്രശ്നങ്ങൾ മാറ്റാനും സഹായിക്കും. കണ്ണിനടിയിലെ ഡാർക് സർക്കിൾസ് മാറ്റാൻ നല്ലതാണ് കാപ്പിപൊടി. സ്ഥിരമായി ഉപയോഗിക്കുന്നത് ചർമ്മത്തിന് പല രീതിയിലുള്ള മാറ്റങ്ങളും നൽകും. പ്രായമാകുന്നതിൻ്റെ ലക്ഷണങ്ങളെ ഇല്ലാതാക്കാനും കാപ്പിപൊടി സഹായിക്കാറുണ്ട്.
പണ്ട് കാലം മുതലെ പലരും ഉപയോഗിക്കുന്ന ചർമ്മ സംരക്ഷണ ചേരുവയാണ് ചന്ദനം. ആൻ്റി ഇൻഫ്ലമേറ്ററി, ആൻ്റി മൈക്രോബയൽ ഗുണങ്ങളാൽ സമ്പുഷ്ടമാണ് ചന്ദനം. ചർമ്മത്തിലെ പാടുകൾ, വരകൾ, ചുളിവുകൾ എന്നിവയൊക്കെ മാറ്റാൻ ചന്ദനം സഹായിക്കാറുണ്ട്. മുഖക്കുരു മാറ്റാനും ചർമ്മത്തിലെ നിറ വ്യത്യാസം മാറ്റി ഒരേ നിറമാക്കാനും ചന്ദനത്തിന് കഴിയാറുണ്ട്. ചർമ്മത്തിന് ഏറെ നല്ലതാണ് ചന്ദനം.
ആൻ്റി ബാക്ടീരിയൽ, ആൻ്റി ഇൻഫ്ലമേറ്ററി ഗുണങ്ങളുടെ കലവറയാണ് തേൻ. ഇത് ഉപയോഗിക്കുന്നത് ചർമ്മത്തിൽ പല രീതിയിലുള്ള മാറ്റങ്ങൾ തരാൻ സഹായിക്കും. ചർമ്മത്തിൽ നാച്യുറൽ മോയ്ചറൈസറായി പ്രവർത്തിക്കാൻ തേനിന് കഴിയാറുണ്ട്. ഇത് കണ്ണിന് ചുറ്റും ഉപയോഗിക്കുന്നത് ഡാർക് സർക്കിൾസ് മാറ്റാൻ സഹായിക്കും. ചർമ്മ സംരക്ഷണത്തിന് ഉപയോഗിക്കുന്ന എല്ലാ പായ്ക്കുകളിലും തേൻ ഒരു പ്രധാന ഘടകമാണെന്ന് തന്നെ പറയാം.
പായ്ക്ക് തയാറാക്കാൻ
ഇതിനായി ഒരു ചെറിയ പാത്രത്തിൽ 1 ടേബിൾ സ്പൂൺ കാപ്പിപൊടിയും അതേ അളവിൽ ചന്ദനപ്പൊടിയും അൽപ്പം തേനും കുറച്ച് ഉരുളക്കിഴങ്ങിൻ്റെ നീരും ചേർത്ത് നന്നായി യോജിപ്പിക്കുക. ഇനി ഈ പായ്ക്ക് കണ്ണിനടിയിലേക്ക് തേച്ച് പിടിപ്പിക്കാവുന്നതാണ്. അല്ലെങ്കിൽ അൽപ്പം ടിഷ്യൂ പേപ്പർ എടുത്ത് ഈ പായ്ക്കിൽ മുക്കിയ ശേഷം കണ്ണിനടിയിൽ ഐ മാസ്ക് പോലെ വയ്ക്കുക. 15 മിനിറ്റ് കഴിയുമ്പോൾ തണുത്ത വെള്ളത്തിൽ കഴുകി വ്യത്തിയാക്കാവുന്നതാണ്.
