ന്യൂഡല്‍ഹി : ബിജെപി നേതാവും മുൻ കേന്ദ്ര മന്ത്രിയുമായ ഷാനവാസ് ഹുസൈനെതിരെ ബലാത്സംഗ കുറ്റത്തിന് എഫ്.ഐ.ആർ തയ്യാറാക്കാൻ ഡൽഹി ഹൈക്കോടതിയുടെ നിർദേശം. 2018-ൽ യുവതി നൽകിയ പരാതിയിലാണ് കോടതി നിർദേശം. 2018ലാണ് തന്നെ ബലാത്സംഗം ചെയ്തു എന്നാരോപിച്ച് ഷാനവാസ് ഹുസൈനെതിരെ യുവതി പരാതി നൽകുന്നത്. ഇദ്ദേഹം മന്ത്രിയായ കാലത്ത് എഫ് ഐ ആർ തയ്യാറാക്കുന്നതിൽ പോലീസ് വീഴ്ച വരുത്തിയിരുന്നു. എഫ്.ഐ.ആർ. തയ്യാറാക്കാൻ കാലതാമസം വരുത്തിയതിൽ ഡൽഹി പോലീസിനെ ഹൈക്കോടതി വിമർശിച്ചു.
