പാലക്കാട്: വൈദ്യുതി നിരക്ക് കൂട്ടാനുള്ള കേന്ദ്ര ഭേദഗതിയെ എതിര്ക്കുമെന്ന് മന്ത്രി കെ കൃഷ്ണന്കുട്ടി അറിയിച്ചു.കോര്പ്പറേറ്റുകളെ സഹായിക്കാനാണ് കേന്ദ്ര സര്ക്കാര് നീക്കം. കേന്ദ്ര ഊര്ജമന്ത്രാലയം ഭേദഗതി കൊണ്ടുവരുന്നത് റെഗുലേറ്ററി ബോര്ഡിന്റെ അനുമതി ഒഴിവാക്കി നിരക്ക് വര്ധിപ്പിക്കാനാണ്. വിയോജിപ്പ് അറിയിച്ച് ഉടന് കേന്ദ്രത്തിന് കത്ത് നല്കുമെന്നും മന്ത്രി വ്യക്തമാക്കി.
ഓരോ മാസവും നിരക്ക് വര്ദ്ധിപ്പിക്കാവുന്ന ചട്ടഭേദഗതിക്ക് കേന്ദ്രസര്ക്കാര് ഒരുങ്ങുന്നതായാണ് റിപ്പോര്ട്ട്. വിതരണക്കമ്പനികള്ക്ക് ഓരോ മാസവും നിരക്ക് കൂട്ടാന് അനുവദിക്കുന്നതാണ് പുതിയ ചട്ടഭേദഗതി. വൈദ്യുതി റഗുലേറ്ററി കമ്മീഷന്റെ മുന്കൂര് അനുമതിയില്ലാതെ കമ്പനികള്ക്ക് നിരക്ക് വര്ദ്ധിപ്പിക്കാം. ഇന്ധനച്ചെലവ്, പ്രസരണ ചാര്ജ്, വൈദ്യുതി വാങ്ങുന്നതിലെ ചെലവ് തുടങ്ങി കമ്പനികള്ക്ക് വരുന്ന അധികച്ചിലവ് വൈദ്യുതി നിരക്കിലൂടെ ഉപഭോക്താക്കളില് നിന്ന് ഈടാക്കാം.