തിരുവനന്തപുരം: എഴുത്തുകാരന് സിവിക് ചന്ദ്രന് ജാമ്യം അനുവദിച്ചുകൊണ്ടുള്ള കോടതി ഉത്തരവ് ഞെട്ടിക്കുന്നതെന്ന് പ്രതിപക്ഷ നേതാവ് വി.ഡി.സതീശന്.
ഉന്നത ന്യായപീഠങ്ങള് സെഷന്സ് കോടതി ഉത്തരവ് തിരുത്താന് ഇടപെടണം.വിഷയത്തില് ഹൈക്കോടതി ഇടപെടുമെന്ന് പ്രത്യാശിക്കുന്നുവെന്നും സതീശന് പറഞ്ഞു. ലൈംഗികപീഡനപരാതിയില് എഴുത്തുകാരന് സിവിക് ചന്ദ്രന് ജാമ്യം അനുവദിച്ചുകൊണ്ടുള്ള കോഴിക്കോട് സെഷന്സ് കോടതി ഉത്തരവ് വിവാദമായതിന് പിന്നാലെയാണ് പ്രതിപക്ഷ നേതാവിന്റെ പ്രതികരണം.
പട്ടികജാതി വിഭാഗത്തില്പെട്ട സ്ത്രീ പീഡനത്തിനിരയായ സംഭവത്തില് എസ്സിഎസ്ടി വിഭാഗത്തിനെതിരായ ലൈംഗിക അതിക്രമം എന്ന വകുപ്പും ചേര്ത്തിരുന്നു. എന്നാല് തനിക്ക് ജാതിയില്ല
എന്നു സിവിക് ചന്ദ്രന് നേരത്തെ വ്യക്തമാക്കിയിട്ടുള്ളതിനാല് കേസില് എസ്സിഎസ്ടി ആക്റ്റ് ബാധകമാകില്ലെന്നാണ് കോടതിയുടെ വിചിത്ര ഉത്തരവ്.സിവിക് ചന്ദ്രനെതിരായ മറ്റൊരു പീഡനക്കേസില് പ്രതിക്ക് ജാമ്യം അനുവദിച്ചുകൊണ്ടുള്ള ഇതേ കോടതിയുടെ ഉത്തരവ് നേരത്തെ വിവാദമായിരുന്നു. പരാതിക്കാരി ലൈംഗിക പ്രകോപനം ഉണ്ടാക്കുന്ന വസ്ത്രം ധരിച്ചതിനാല് പീഡന പരാതി നിലനില്ക്കില്ലെന്നായിരുന്നു കോടതിയുടെ പരാമര്ശം.