ഡല്ഹി: കള്ളപ്പണക്കേസില് ആം ആദ്മി പാര്ട്ടി നേതാവ് സത്യേന്ദര് ജെയിന് വന് തിരിച്ചടി. മുന് മന്ത്രിയുടെ ജാമ്യാപേക്ഷ ഡല്ഹി ഹൈക്കോടതി തള്ളി. സത്യേന്ദര് ജെയിന് സ്വാധീനമുള്ള വ്യക്തിയാണെന്നും സാക്ഷികളെയും തെളിവുകളെയും സ്വാധീനിക്കാന് കഴിയുമെന്നും ചൂണ്ടിക്കാട്ടിയാണ് കോടതി നടപടി. കേസില് മറ്റ് രണ്ട് പേരുടെ ഹര്ജിയും കോടതി തള്ളി. 2022 മെയ്യിലാണ് എന്ഫോഴ്സ്മെന്റ് ഡയറക്ടറേറ്റ് ജെയിനെ അറസ്റ്റ് ചെയ്തത്.
ഇന്ത്യന് ശിക്ഷാനിയമത്തിലെ 109-ാം വകുപ്പ്, അഴിമതി നിരോധന നിയമത്തിലെ വകുപ്പുകള് പ്രകാരം 2017 ഓഗസ്റ്റ് 24-ന് സത്യേന്ദര് ജെയിനും മറ്റുള്ളവര്ക്കുമെതിരെ സെന്ട്രല് ബ്യൂറോ ഓഫ് ഇന്വെസ്റ്റിഗേഷന് (സി.ബി.ഐ) കേസ് രജിസ്റ്റര് ചെയ്തു. 1.68 കോടി രൂപയുടെ അനധികൃത സ്വത്ത് സമ്പാദനക്കേസാണ് ഇവര്ക്കെതിരെ ഫയല് ചെയ്തിട്ടുള്ളത്.
