കൊച്ചി : തിരുവനന്തപുരത്തെ ലുലു മാള് നിര്മ്മാണം തടയണമെന്ന് ആവശ്യപ്പെട്ടുള്ള ഹര്ജി ഹൈക്കോടതി ഡിവിഷന് ബെഞ്ച് തള്ളി. ജസ്റ്റിസ് എസ്.വി ഭട്ടി, ജസ്റ്റിസ് ബെച്ചു കുര്യന് തോമസ് എന്നിവര് അടങ്ങിയ ഡിവിഷന് ബെഞ്ചിന്റെയാണ് വിധി. കൊല്ലം സ്വദേശി കെ.എം സലീം നല്കിയ ഹര്ജിയാണ് ഹൈക്കോടതി തള്ളിയത്.
ആക്കുളത്തെ ലുലുമാള് നിര്മ്മാണം തീരദേശ പരിപാലന നിയമം ലംഘിച്ചെന്നാരോപിച്ചാണ് പരാതിക്കാരൻ ഹർജി സമർപ്പിച്ചത്. എന്നാൽ ആവശ്യമായ രേഖകള് പരിശോധിച്ചാണ് പദ്ധതിക്ക് അനുമതി നല്കിയത് എന്നായിരുന്നു കോടതിയുടെ മറുപടി. ഒന്നര ലക്ഷം ചതുരശ്ര മീറ്ററിലധികം വലുപ്പമുള്ള നിര്മ്മാണങ്ങള്ക്ക് അനുമതി നല്കാന് സംസ്ഥാന പരിസ്ഥിതി ആഘാത അതോറിറ്റിക്ക് അനുവാദമില്ലെന്നാണ് പരാതിക്കാരന് വാദിച്ചത്. എന്നാല് ഇത് നിലനില്ക്കില്ലെന്നാണ് കോടതി കണ്ടെത്തിയത്.