ബംഗളൂരു : ലോക്ക്ഡൗണ് നിയന്ത്രണങ്ങളില് കൂടുതല് ഇളവേര്പ്പെടുത്തി കര്ണാടക. ജൂലായ് 26 മുതല് ഉന്നത വിദ്യാഭ്യാസ സ്ഥാപനങ്ങള് തുറക്കാനാണ് തീരുമാനം. 50 ശതമാനം പേരെവെച്ച് സിനിമ ഹാളുകളും ഓഡിറ്റോറിയവും പ്രവര്ത്തിക്കാന് അനുമതി നല്കും. മുഖ്യമന്ത്രി ബി.എസ് യെദിയൂരപ്പയുടെ നേതൃത്വത്തിലുള്ള ഉന്നതതല യോഗത്തിലാണ് ഈ തീരുമാനം.
ഒരു ഡോസ് കോവിഡ് വാക്സിനെങ്കിലും സ്വീകരിച്ച അധ്യാപകര്ക്കും വിദ്യാര്ഥികള്ക്കും മാത്രമേ ഓഫ്ലൈന് ക്ലാസുകളില് പങ്കെടുക്കാന് അനുമതി നല്കൂ. അതെ സമയം രാത്രി കര്ഫ്യൂവിലും ഇളവ് അനുവദിക്കും. നിലവില് രാത്രി ഒമ്പതുമണി മുതല് രാവിലെ അഞ്ചുവരെയാണ് രാത്രി കര്ഫ്യൂ. ഇത് രാത്രി പത്തുമുതലാക്കും. തിങ്കളാഴ്ച മുതല് പുതിയ ഇളവുകള് നിലവില് വരുമെന്നും അധികൃതര് അറിയിച്ചു.