ബെംഗളൂരു: കര്ണാടകയില് കോണ്ഗ്രസ് അധികാരത്തിലേറിയാല് പോപ്പുലര് ഫ്രണ്ട് വാലിയാകുമെന്ന് അസം മുഖ്യമന്ത്രിയും ബിജെപി നേതാവുമായി ഹിമന്ത ബിസ്വ ശര്മ. കോണ്ഗ്രസ് നേതാക്കളായ സിദ്ദരാമയ്യയും ഡികെ ശിവകുമാറും ടിപ്പു സുല്ത്താന്റെ കുടുംബമാണെന്നും ബിജെപി നേതാവ് ആരോപിച്ചു. ‘ടിപ്പു സുല്ത്താന്റെ കുടുംബാംഗമാണ് ഡികെ ശിവകുമാര്. കോണ്ഗ്രസ് വീണ്ടും അധികാരത്തില് വന്നാല് കര്ണാടക പിഎഫ്ഐ താഴ്വരയായി മാറുമെന്ന് ഹിമന്ത ബിസ്വ ശര്മ പറഞ്ഞു.
കൊഡുഗ് ജില്ലയിലെ വിരാജ്പേട്ടില് തെരഞ്ഞെടുപ്പ് യോഗത്തില് സംസാരിക്കുകയായിരുന്നു അദ്ദേഹം. അസമില് നിന്നാണ് ഞാന് വരുന്നത്. അസമിനെ 17 തവണ മുഗളന്മാര് ഞങ്ങളെ ആക്രമിച്ചെങ്കിലും മുഗളന്മാര്ക്ക് ഞങ്ങളെ തോല്പ്പിക്കാന് കഴിഞ്ഞില്ല. ടിപ്പു സുല്ത്താനെ പലതവണ പരാജയപ്പെടുത്തിയ കൊടുഗ് മണ്ണിനെ താന് വണങ്ങുന്നുവെന്നും അദ്ദേഹം പറഞ്ഞു. ടിപ്പു സുല്ത്താന് ജയന്തി ആഘോഷിക്കാനാണ് സിദ്ധരാമയ്യ ഉദ്ദേശിക്കുന്നതെങ്കില് പാക്കിസ്ഥാനില് അത് നടത്തണമെന്നും ബിജെപി നേതാവ് പറഞ്ഞു.
