തിരുവനന്തപുരം: സര്ക്കാരിന് താത്പര്യം വികസനത്തിലെന്ന് മുഖ്യമന്ത്രി പിണറായി വിജയന്. കെ.ജി.ഒ.എ സംസ്ഥാന സമ്മേളനത്തില് ഓണ്ലൈനായി ഉദ്ഘാടനം ചെയ്യുകയായിരുന്നു പിണറായി വിജയന്. സര്ക്കാരിന്റെ രണ്ടാം വര്ഷത്തിന്റെ നിറം കെടുത്താന് ശ്രമം നടക്കുന്നുണ്ട്. ആ പൂതിയൊന്നും ഏശില്ല. കെട്ടി പൊക്കുന്ന ആരോപണങ്ങള് ജനങ്ങള് വിശ്വസിക്കുമെന്ന് ആരും കരുതണ്ടെന്നും മുഖ്യമന്ത്രി ഓര്മ്മിപ്പിച്ചു. ജനങ്ങള്ക്ക് ഭരണത്തില് സംതൃപ്തിയുണ്ടാവുകയെന്നതാണ് പ്രധാനം. പരമ്പരാഗത ഫയല് നീക്ക രീതികള് മാറി വരുകയാണെന്നും മുഖ്യമന്ത്രി പറഞ്ഞു.
കേരളമാണ് രാജ്യത്ത് അഴിമതി കുറഞ്ഞ സംസ്ഥാനം. അതില് തൃപ്തനല്ല. അഴിമതി ഇല്ലാത്ത സംസ്ഥാനമെന്ന പേരാണ് കേരളത്തിനു വേണ്ടത്. നാടിന്റെ പൊതുവായ വികസനമാണ് സര്ക്കാര് ലക്ഷ്യമിടുന്നത്. ജനങ്ങളുടെ ക്ഷേമത്തിനും സര്ക്കാര് അതിയായ പ്രാധാന്യം നല്കുന്നുണ്ട്. ജനങ്ങളെ മുന്നില് കണ്ടു കൊണ്ടുള്ള പ്രവര്ത്തന രീതിയായിരിക്കണം ഉദ്യോഗസ്ഥര് സ്വീകരിക്കേണ്ടതെന്നും മുഖ്യമന്ത്രി പറഞ്ഞു.
