എരുമേലി : പരമ്പരാഗത വഴിയായ കരിമല വഴിയുള്ള കാനനപാത തുറന്നു നല്‍കണമെന്നാവശ്യപ്പെട്ട് എരുമേലിയില്‍ ഹൈന്ദവ സംഘടനകള്‍ പ്രതിഷേധിച്ചു. സിനിമ നടന്‍ ദേവന്‍ ,സംവിധായകന്‍ വിജി തമ്പി, വിവിധ ഹൈന്ദവ സംഘടനാ നേതാക്കള്‍ എന്നിവരുടടെ നേതൃത്വത്തിലാണ് പ്രതിഷേധം നടത്തിയത്. കഴിഞ്ഞ വര്‍ഷം പാത തുറന്ന് നല്‍കിയിരുന്നില്ല. ഈ വര്‍ഷം പാത തുറന്ന് നല്‍കി ആവശ്യമായ സൗകര്യം ഒരുക്കണമെന്നും പ്രതിഷേധക്കാര്‍ ആവശ്യപ്പെട്ടു. പ്രതിഷേധക്കാര്‍ വിലക്കുകള്‍ ലംഘിച്ച്‌ കാനന പാതയില്‍ പ്രവേശിക്കാനും ശ്രമം നടത്തി. ഇവരുടെ മാര്‍ച്ച്‌ പോലീസ് തടഞ്ഞു. മാര്‍ച്ചില്‍ പങ്കെടുത്ത യുവാക്കളുമായി ഉന്തിലും തള്ളിലും വരെ എത്തി.
