കളമശേരി: ഹണിട്രാപ്പില് പെടുത്തി ഡോക്ടറില് നിന്ന് 5 ലക്ഷം രൂപ തട്ടിയെടുക്കാന് ശ്രമിച്ച സ്ത്രീയടക്കം 3 പേര് പിടിയില്. അനുപമ (22), റോഷ്വിന് (23), ജംഷാദ് (25) എന്നിവരെയാണ് പോലീസ് അറസ്റ്റ് ചെയ്തത്. ഒന്നാം പ്രതി മുഹമ്മദ് അജ്മല്, നാലാം പ്രതി വിനീഷ് എന്നിവര് ഒളിവിലാണ്.
സ്വകാര്യ ആശുപത്രിയിലെ ഡോക്ടറായ കളമശ്ശേരി സ്വദേശി ജേക്കബ് ഈപ്പന്റെ പരാതിയിലാണ് ഇവരെ അറസ്റ്റ് ചെയ്തത്. ഒക്ടോബര് 21ന് രാത്രി 10.30നാണ് സംഭവം. സ്ഥലക്കച്ചവടത്തിന്റെ കാര്യങ്ങള് പറയുന്നതിന് ഡോ.ജേക്കബ് ഈപ്പനെ അജ്മല് ഇടപ്പള്ളിയിലേക്കു വിളിച്ചുവരുത്തി.
അജ്മല് പുറത്തിറങ്ങിയ സമയം മറ്റുള്ളവര് തോക്കും ചുറ്റികയും കാണിച്ച് ഭീഷണിപ്പെടുത്തി. ഡോക്ടറെ കിടപ്പുമുറിയില് കൊണ്ടുപോയി നിര്ബന്ധിച്ച് വിവസ്ത്രനാക്കി അനുപമയെ ഒപ്പം നിര്ത്തി ഫോട്ടോയും വീഡിയോയും എടുത്തു.
5 ലക്ഷം രൂപ നല്കിയില്ലെങ്കില് ഡോക്ടറുടെ ബന്ധുക്കള്ക്കു ഫോട്ടോയും വിഡിയോയും അയച്ചുകൊടുക്കുമെന്നും സമൂഹ മാധ്യമങ്ങളിലൂടെ പ്രചരിപ്പിക്കുമെന്നു ഭീഷണിപ്പെടുത്തിയെന്നും പോലീസ് പറഞ്ഞു.
