ന്യൂഡല്ഹി: കോവിഡ് വ്യാപനത്തിന്റെ പശ്ചാത്തലത്തില് എയര് ഇന്ത്യ വിമാനങ്ങള്ക്ക് ഹോങ്കോങ് വീണ്ടും താത്കാലിക വിലക്കേര്പ്പെടുത്തി. മുംബൈ – ഹോങ്കോങ് വിമാനത്തിലെ യാത്രക്കാരില് ചിലര്ക്ക് കോവിഡ് സ്ഥിരീകരിച്ചതിനാല് നവംബര് 10 വരെയാണ് എയര് ഇന്ത്യ വിമാനങ്ങള്ക്ക് വിലക്കേര്പ്പെടുത്തിയത്.
ഇത് നാലാം തവണയാണ് ഹോങ്കോങ്ങിലേക്കുള്ള എയര് ഇന്ത്യ വിമാനങ്ങള്ക്ക് നിരോധനം ഏര്പ്പെടുത്തുന്നതെന്ന് വാര്ത്താ ഏജന്സിയായ പിടിഐ റിപ്പോര്ട്ട് ചെയ്തു. നേരത്തെ ഡല്ഹി-ഹോങ്കോങ് വിമാനങ്ങള്ക്ക് ഓഗസ്റ്റ് 18 മുതല് ഓഗസ്റ്റ് 31 വരെ, സെപ്റ്റംബര് 20 മുതല് ഒക്ടോബര് 3 വരെ, ഒക്ടോബര് 17 മുതല് ഒക്ടോബര് 30 വരെ എന്നിങ്ങനെ വിലക്കേര്പ്പെടുത്തിയിരുന്നു.
