തെക്കേമല : ബിയർ കുപ്പി കൊണ്ടുള്ള അയൽവാസിയുടെ ആക്രമണത്തിൽ വീട്ടമ്മയുടെ തലയ്ക്ക് പരിക്ക്. ഐ.സി.ഡി.എസ്. ജീവനക്കാരി തെക്കേമല കുന്നേൽ പാറയിൽവീട്ടിൽ ഉഷാകുമാരിക്കാണ് (56) പരിക്കേറ്റത്.
കോഴഞ്ചേരി ജില്ലാ ആശുപത്രിയിൽ ചികിത്സ തേടി. ബുധനാഴ്ച വൈകീട്ട് ജോലികഴിഞ്ഞ് മടങ്ങുംവഴി വീടിന് സമീപത്തുവെച്ചായിരുന്നു ആക്രമണം. പിന്നിലൂടെയെത്തിയ മധു കുപ്പി ഉപയോഗിച്ച് തലയ്ക്കടിക്കുകയായിരുന്നു. യാതൊരു കാരണവുമില്ലെന്ന് ബന്ധുക്കൾ പറഞ്ഞു. ആറന്മുള പോലീസ് കേസെടുത്തു.