കൊച്ചി : 2019 ഡിസംബറില്‍ ഹയര്‍ സെക്കന്ററി ഒന്നാം വര്‍ഷ തുല്യതാപരീക്ഷ എഴുതിയവര്‍ക്കുള്ള രണ്ടാം വര്‍ഷ പരീക്ഷയും രണ്ടാം വര്‍ഷ സപ്ലിമെന്ററി പരീക്ഷയും ഒന്നാം വര്‍ഷ പഠനം പൂര്‍ത്തിയാക്കിയവരുടെ ഒന്നാം വര്‍ഷ തുല്യതാ പരീക്ഷയും മെയ് മൂന്ന് മുതല്‍ എട്ട് വരെ വിവിധ പരീക്ഷാ കേന്ദ്രങ്ങളില്‍ നടക്കും.
ഒന്നാം വര്‍ഷം 600 രൂപയും രണ്ടാം വര്‍ഷം (പ്രാക്ടിക്കല്‍ ഇല്ലാത്ത കോമ്പിനേഷന്‍) 600 രൂപയുമാണ്. രണ്ടാം വര്‍ഷം (പ്രാക്ടിക്കലുള്ള കോമ്പിനേഷന്‍) 700 രൂപയും പേപ്പര്‍ ഒന്നിന് 500 രൂപ വീതവുമാണ്. പിഴയില്ലാതെ ഫീസടയ്‌ക്കേണ്ട അവസാന തിയതി മാര്‍ച്ച്‌ അഞ്ച് ആണ്. 20 രൂപ പിഴയോടെ മാര്‍ച്ച്‌ ഒന്‍പത്‌ വരെയും 1000 രൂപ സൂപ്പര്‍ഫൈനോടെ 12 വരെയും ഫീസടയ്ക്കാം.
