കോഴിക്കോട് : ദേശീയപാതാ-66 ല് കോഴിക്കോട് ബൈപാസിന്റെ നിര്മ്മാണം നടന്നു കൊണ്ടിരിക്കുന്നതിനിടയില് പന്തീരങ്കാവില് ടോള് കളക്ഷന് ആരംഭിച്ചതിനെതിരെയുള്ള പരാതിയില് മനുഷ്യാവകാശ കമ്മീഷന് കേസെടുത്തു. നാഷണല് ഹൈവേ പ്രോജക്റ്റ് ഡയറക്ടറില് നിന്നും റിപ്പോര്ട്ട് ആവശ്യപ്പെട്ടു. നിര്മ്മാണം നടക്കുന്ന സമയത്ത് ടോള് പിരിവ് എന്തിനെന്ന് മനുഷ്യാവകാശ കമ്മീഷന് ചോദിച്ചു. നിര്മ്മാണ പ്രവര്ത്തനങ്ങള് നടക്കുന്നതിനിടയില് ടോള് കളക്ഷന് ആരംഭിച്ചത് ഗതാഗതതടസത്തിന് കാരണമാകുന്നതായി റിപ്പോര്ട്ടില് പറയുന്നു. പണി പൂര്ത്തിയാകുന്നതു വരെ ടോള് കളക്ഷന് നിര്ത്തിവയ്ക്കണമെന്നാണ് ആവശ്യം. 15 ദിവസത്തിനകം റിപ്പോര്ട്ട് സമര്പ്പിക്കണമെന്ന് ജുഡീഷ്യല് അംഗം കെ. ബൈജുനാഥ് നിര്ദ്ദേശിച്ചു.
ദേശീയപാതയില് പല സ്ഥലത്തും നിര്മ്മാണം പൂര്ത്തിയായിട്ടില്ല. ഇതിനിടെയില്ലാണ് പന്തീരാംങ്കാവില് ടോള് പിരിക്കുന്നത്. വലിയ ഗതാഗതക്കുരുക്ക് കാരണം വലിയ ഗതാഗതകുരുക്കാണ് അനുഭവപ്പെടുന്നത്. ഗതാഗതക്കുരുക്കിനെതിരെ വിനോദ് കുമാര് തല്ലാശേരി സമര്പ്പിച്ച പരാതിയിലാണ് മനുഷ്യകവകാശ കമ്മീഷന്റെ നടപടി.
