ഹരിപ്പാട് : ആളൊഴിഞ്ഞ പുരയിടത്തില്‍ നിന്നും ഒരു വര്‍ഷത്തിലേറെ പഴക്കം തോന്നിക്കുന്ന മനുഷ്യ അസ്ഥികൂടം കണ്ടെത്തി. കരുവാറ്റ കല്പകവാടിക്ക് സമീപം വേലഞ്ചിറ തോപ്പിലെ കാട് പിടിച്ചു കിടന്നിരുന്ന സ്ഥലത്തു നിന്നാണ് അസ്ഥികൂടം കണ്ടെത്തിയത്. അതേസമയം കാടുപിടിച്ച സ്ഥലം ആഴ്ചകള്‍ക്ക് മുന്‍പ് തീപിടിച്ച്‌ കത്തിക്കരിഞ്ഞ നിലയിലായിരുന്നു. സമീപ പ്രദേശത്തുള്ള കുട്ടികള്‍ ചൂണ്ടയിടാനായി ബുധനാഴ്ച വൈകുന്നേരത്തോടെ ഇവിടെ എത്തിയപ്പോഴാണ് അസ്ഥികൂടം കണ്ടത്. വിവരം അറിഞ്ഞ പോലീസ് രാത്രി തന്നെ എത്തുകയും സ്ഥലം സീല്‍ ചെയ്യുകയും ചെയ്തിരുന്നു. ഇന്ന് രാവിലെ 10 മണിയോടെ കായംകുളം ഡിവൈഎസ്പി ആര്‍. ബിനുവിന്റെ നേതൃത്വത്തില്‍ പോലീസ് ഇന്‍ക്വസ്റ്റ് തയ്യാറാക്കി.
