കൊച്ചി : കൊവിഡ് ബാധിച്ച് മരിച്ച മാഹി സ്വദേശിയുടെ സഞ്ചാര വഴികള്‍ പുറത്തു വിട്ടു. മാഹി ചെറുകല്ലായി മെഹ്റൂഫ് (71) ആണ് മരിച്ചത്. അദ്ദേഹം പരിയാരം മെഡിക്കല്‍ കോളജില്‍ ചികില്‍സയിലായിരുന്നു. ഇന്ന് രാവിലെ 7.30 നായിരുന്നു മരണം. രോഗം പകര്‍ന്നത് എവിടെനിന്നെന്ന് സ്ഥിരീകരിച്ചിട്ടില്ല. ന്യൂമാഹി, ചൊക്ലി, പന്ന്യന്നൂര്‍ പഞ്ചായത്തുകളില്‍ യാത്ര ചെയ്തിട്ടുണ്ട്. മാര്‍ച്ച് 15 മുതല്‍ 21 വരെ മതചടങ്ങുകളിലും വിവാഹനിശ്ചയത്തിലും പങ്കെടുത്തു.
എംഎം ഹൈസ്‌കൂള്‍ പള്ളിയിലെ മതചടങ്ങുകളിലും 18 ന് പന്ന്യന്നൂര്‍ ചമ്പാട്ട് നടന്ന വിവാഹ നിശ്ചയത്തിലും പങ്കെടുത്തു. എംഎം ഹൈസ്‌കൂള്‍ പള്ളിയിലും എരൂര്‍ പള്ളിയിലും എത്തി. എന്നാൽ വിദേശയാത്ര ചെയ്തിട്ടില്ലെന്നു ഡിഎംഒ നാരായണന്‍ നായിക് പറഞ്ഞു. അദ്ദേഹം ശ്വാസകോശ, വൃക്കരോഗങ്ങള്‍ക്കും രക്തസമ്മര്‍ദത്തിനും ചികില്‍സയിലായിരുന്നു.
