ലണ്ടന്: ജന്മദിനാഘോഷത്തിന് പിന്നാലെ ഉസൈന് ബോള്ട്ടിന് കോവിഡ്-19 സ്ഥിരീകരിച്ചു. അദ്ദേഹത്തിന്റെ സമ്പര്ക്കപ്പട്ടികയില് നിരവധി പ്രമുഖരും ഉള്പ്പെടുന്നു. ജമൈക്കന് മാധ്യമങ്ങളാണ് ബോള്ട്ടിന് കോവിഡ് സ്ഥിരീകരിച്ച കാര്യം റിപ്പോര്ട്ട് ചെയ്തത്. കോവിഡ് സ്ഥിരീകരിച്ചതോടെ ബോള്ട്ട് ഐസൊലേഷനിലാണെന്നും റിപ്പോര്ട്ടുകളില് പറയുന്നു.
വെള്ളിയാഴ്ചയാണ് ബോള്ട്ട് 34-ാം ജന്മദിനം ആഘോഷിച്ചിരുന്നത്. പിതാവായശേഷമുള്ള ബോള്ട്ടിന്റെ ആദ്യ ജന്മദിനം കൂടിയായിരുന്നു ഇത്. റഹീം സ്റ്റെര്ലിംഗിന് പുറമെ ബയേര് ലെവര്കൂസന് വിംഗര് ലിയോണ് ബെയ്ലി, ക്രിക്കറ്റ് താരം ക്രിസ് ഗെയ്ല്, ഗായകന് ക്രിസ്റ്റഫര് മാര്ട്ടിന് തുടങ്ങി നിരവധി പ്രമുഖര് ബോള്ട്ടിന്റെ കാമുകി കാസി ബെന്നറ്റ് സംഘടിപ്പിച്ച ജന്മദിനാഘോഷ പരിപാടിയില് പങ്കെടുത്തിരുന്നു. മാസ്കോ സാമൂഹിക അകലമോ പാലിക്കാതെയാണ് ബോള്ട്ടിന്റെ ജന്മദിനാഘോഷം നടത്തിയതെന്ന് പ്രാദേശിക മാധ്യമങ്ങള് നേരത്തെ റിപ്പോര്ട്ട് ചെയ്തിരുന്നു.
ജന്മദിനാഘോഷത്തിന് ഏതാനും ദിവസം മുമ്പാണ് താരം കോവിഡ് പരിശോധനക്ക് വിധേയനായത്. പിന്നീടാണ് ഫലം പോസറ്റീവാണെന്ന് സ്ഥിരീകരിച്ചത്.
