പത്തനംതിട്ട : ഭക്ഷ്യ സുരക്ഷാ വകുപ്പ് കുമ്പഴയിലുളള വ്യപാരസ്ഥാപനങ്ങളില് നടത്തിയ പരിശോധനയില് ഭക്ഷ്യ സുരക്ഷാ ശുചിത്വ മാനദണ്ഡങ്ങള് പാലിക്കാത്ത അഞ്ച് സ്ഥാപനങ്ങള്ക്ക് നോട്ടീസ് നല്കി. ആറന്മുള സര്ക്കിള് ഭക്ഷ്യ സുരക്ഷാ ഓഫീസറായ ടി.ആര് പ്രശാന്ത് കുമാറിന്റെ നേതൃത്വത്തിലായിരുന്നു പരിശോധന. മത്സ്യസ്റ്റാളുകളില് നടത്തിയ പരിശോധനയില് പഴകിയതും ഗുണനിലവാരമില്ലാത്തതുമായ 56 കിലോ മത്സ്യം കണ്ടെത്തുകയും അവ നീക്കം ചെയ്യാന് നിര്ദ്ദേശവും നല്കി.
മത്സ്യ വില്പന കേന്ദ്രങ്ങള് /വ്യാപാരികള് ശ്രദ്ധിക്കേണ്ട കാര്യങ്ങള്-
ഭക്ഷ്യ സുക്ഷാ ലൈസന്സ് അല്ലെങ്കില് രജിസ് ട്രേഷന് നേടി അവ സ്ഥാപനങ്ങളില് തന്നെ സൂക്ഷിക്കണം.
ഒരു കിലോ മത്സ്യത്തിന് ഒരു കിലോ ഐസ് എന്ന അനുപാതത്തില് സൂക്ഷിക്കണം.
ജീവനക്കാര് മെഡിക്കല് ഫിറ്റ്നെസ് സര്ട്ടിഫിക്കറ്റ് കരസ്ഥമാക്കുകയും ഭക്ഷ്യ സുരക്ഷാ ശുചിത്വ മാനദണ്ഡങ്ങള് പാലിക്കുകയും വേണം. വാഹനങ്ങളില് മത്സ്യവ്യാപാരം നടത്തുന്നവരും ഇക്കാര്യങ്ങള് ശ്രദ്ധിക്കണമെന്ന് ഭക്ഷ്യ സുരക്ഷാ ഓഫീസര് അറിയിച്ചു.
